The Washington Post-ը հաղորդում է Իրան-ԱՄՆ համաձայնագրի մանրամասները

The Washington Post-ը հաղորդում է Իրան-ԱՄՆ համաձայնագրի մանրամասները՝ հղում անելով Սպիտակ տան բարձրաստիճան պաշտոնյայի։

«Փոխըմբռնման հուշագիրը ստորագրելուց հետո Իրանը անմիջապես կբացի Հորմուզի նեղուցը և 30 օրվա ընթացքում քայլեր կձեռնարկի պատերազմից առաջ եղած նավագնացության մակարդակը վերականգնելու համար։ Միաժամաանկ Իրանը, ԱՄՆ-ն և նրանց դաշնակիցները կհայտարարեն բոլոր ճակատներում, այդ թվում՝ Լիբանանում, ռազմական գործողությունների անհապաղ դադարեցման մասին»։

Դիվանագետի խոսքով՝ առաջարկը ներառում է Իրանի հաստատումը, որ երբեք չի մշակի միջուկային զենք, և համաձայնագիր՝ հարստացված ուրանի իր պաշարները համաձայնեցված մեթոդի համաձայն տնօրինելու մասին։

Փոխըմբռնման հուշագիրը «պարտավորեցնում է» իրանցիներին հրաժարվել միջուկային զենքից, այդ թվում՝ «հրաժարվել միջուկային վառելիքից», - հայտարարել է ԱՄՆ վարչակազմի բարձրաստիճան պաշտոնյան՝ նկատի ունենալով երկրի բարձր հարստացված ուրանի պաշարները։ Հաջորդ երկու ամիսների ընթացքում կողմերը կքննարկեն այս համաձայնագրի իրականացման «մեխանիզմը», հավելել է պաշտոնյան, որը խնդրել է անանուն մնալ, քանի որ լիազորված չէ հրապարակայնորեն խոսել բանակցությունների մասին։

ԱՄՆ-ի ներկայիս շրջափակումը «աստիճանաբար կմեղմացվի» նեղուցի բացմանը զուգընթաց։ Նա այս սխեման անվանել է «վստահություն, բայց ստուգում»։

Իրանցի պաշտոնյան, որը մեկնաբանել է հրապարակումը, հերքել է այս պնդումներից մի քանիսը և լրացուցիչ տեղեկություններ է տրամադրել այն մասին, թե ինչպես է ԱՄՆ-ն վերացնելու շրջափակումը։

«Նեղուցի բացումը տեղի կունենա փուլերով։ Առաջին փուլում ԱՄՆ-ն կբացի 12 միլիարդ դոլարի սառեցված իրանական ակտիվները, կսկսվի նեղուցի ականազերծումը, և ԱՄՆ-ի շրջափակումը կվերացվի», - ասել է իրանցի պաշտոնյան։

Իրանցի պաշտոնյայի խոսքով՝ փոխըմբռնման հուշագիրը չի նախատեսում միջուկային համաձայնագիր, այլ միայն պարտավորություն՝ ավելի ուշ միջուկային բանակցություններ անցկացնելու համար։ Նա ասել է, որ ավելի մանրամասն հայտարարություն կարող է արվել երկուշաբթի օրը։

Տե´ս նաեւ https://t.me/iravunk/67458 

Այս թեմայով Իրանում հանդիսավորությամբ նշվել է Հայաստանի Անկախության տոնը ՇՏԱՊ. 36-ամյա գործարարին մահացած են գտել. Հրապարակ Հայաստանը վերջին հորիզոնականում է տարածաշրջանում՝ զիջելով Վրաստանին, Ադրբեջանին ու Թուրքիային. Կրթության փորձագետը ահազանգում է Ունի Հայաստանը գազի այլընտարանք. Մեկնաբանում է տնտեսագետը Հրապարակվել են Ուկրաինայի համար նոր «խաղաղության ծրագրի» մանրամասները