Ռուսաստանում դժգոհ են Ստարոբելսկի հանրակացարանի վրա հարձակման պատասխան հարվածից

Թեեւ երեկ գիշեր Կիեւին հասցված հարվածները միանգամայն հզոր էին, սակայն ռուսական փորձագիտական շրջանակներում տարակուսանքների պակաս չկա: Այն է. այդ հարվածաշարն ամենեւին էլ լուգյանսկյան քոլեջի հանրակացարանին ուկրաինական անօդաչուների հարցրած հարվածի պատասխան չի կարելի դիտարկել: 

Հրապարակախոս Ալեքսեյ Ժիվովի մոտ այդ տարակուսանքները հնչում են այսպես.

«Ռուսաստանը սգում է Ուկրաինայի զինված ուժերի կողմից սպանված 21 երեխաների համար։ Իսկ Ուկրաինան հաշվում է մեր «պատասխան հարվածից» հասցված վնասը տրանսպորտային հանգույցներին, էներգետիկային և այլն։ Բոլոր հարվածված թիրախները զուտ գործնական ռազմական նշանակություն ունեին՝ ռազմական պահեստներ, հավաքման գործարաններ, ռազմական լոգիստիկա։

Ես միայն մեկ հարց ունեմ. ինչո՞ւ է սա պատասխան հարված։ Եթե գիշերը, երբ մարդիկ չկան, հարվածվում են թիրախներ, որոնք անմիջականորեն կապված են Ռուսաստանի դեմ ռազմական գործողությունների հետ։ Կամ ես ինչ-որ բան բաց եմ թողնում, կամ սա սովորական, պլանավորված ռազմական աշխատանք է, որը Ավիատիեզերական ուժերը պետք է պարբերաբար կատարեն։

Ի՞նչ է այդ դեպքում պատասխանը։

Սպանվե՞լ են Ստարոբելսկում երեխաների սպանության հրաման տվողներն ու կատարողները։

Զրկվե՞լ է թշնամին ապագայում նման հարվածներ հասցնելու հնարավորությունից։

Արդյոք Ուկրաինայի կառավարության որևէ պաշտոնյա կամ ապարատ տուժե՞լ է։ Ո՞րն էր «Օրեշնիկի» երրորդ հարվածի էությունն ու բովանդակությունը։ Կա՞ արդյոք որևէ պաշտոնյա, որը կարող է դա բացատրել հանրությանը պարզ ռուսերենով...»։

Այս թեմայով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Թրամփը վերջին րոպեին չեղարկեց հուսիթների վրա հարձակումը. The New York Times Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Լավ գիտեն՝ Նիկոլը մարսողը չի. Ինչից են վախեցած Սարգսյանները Հարավային Օսիայի նախագահական ընտրություններում հաղթեց Ռուսաստանում աշխատած Կրեմլի թեկնածուն