70-200 հազար դրամ ընտրակաշառք, մի շարք ձերբակալվածներ. Հակակոռուպցիոն կոմիտեն նոր ձայանգրություն է հրապարակել. տեսանյութ

Հ ԱԱԾ կողմից իրականացրած միջոցառումների հիման վրա Հակակոռուպցիոն կոմիտեում նախաձեռնված վարույթով փաստական տվյալներ են ստացվել այն մասին, որ «Ուժեղ Հայաստան» կուսակցության համակիրը նույն կուսակցության Շիրակի մարզի Անի համայնքի պատասխանատուի և այլ անձանց հետ Ազգային ժողովի ընտրություններին իրենց կուսակցության օգտին քվեարկելու պայմանով մի շարք ընտրողների տվել է 70-200․000 ՀՀ դրամի չափով ընտրակաշառք։

Խմբի անդամներն իրենց հանցավոր գործունեությանն օրինական տեսք հաղորդելու նպատակով ընտրակաշառք ստացող անձանց փաստաթղթավորել են որպես նախընտրական ակտիվիստներ, կամավորներ և տարածքային պատասխանատուներ՝ նրանց վճարելով ոչ թե փաստացի կատարված աշխատանքի, այլ ընտրություններին նախապես պայմանավորված ձևով քվեարկելու խոստման դիմաց։

Դեպքի առթիվ ՀՀ հակակոռուպցիոն կոմիտեում նախաձեռնվել է քրեական վարույթ, ձերբակալվել են մի շարք անձինք, կատարվել են խուզարկություններ և վարութային այլ գործողություններ։

«Կոմիտեն հորդորում է զերծ մնալ ընտրակաշառք տալու և այդ հանցավոր գործունեությունը տարբեր ձևական մեխանիզմներով քողարկելու արատավոր գործելակերպից՝ նախազգուշացնելով, որ նման յուրաքանչյուր դեպք արժանանալու է խիստ իրավական արձագանքի»,- նշվում է հաղորդագրությունում։

Այս թեմայով Գործը վերաբերում է ենթադրյալ կաշառք տալու և ստանալու դեպքին Ինչ են խոստացել հայր ու որդի Ղուկասյանները Ղուկասյանին մեղադրում են Հայաստանի փրկության ելքը ցուրց տալու համար. Փաստաբանը նոր մանրամասներ է ներկայացնում Հերթում համայնքապետն է. Ինչ է կատարվել Ապարանի համայնքապետարանում նախօրեին 9 անձ է ձերբակալվել կաշառք ստանալու և տալու մեղադրանքներով