Վարորդական իրավունքից զրկվածներին ի՞նչ է սպասվում․ ՆԳՆ-ն գործընթաց է սկսել

ArmLur.am-ը պարզեց, որ ՀՀ վարչապետ Նիկոլ Փաշինյանը նախընտրական քարոզարշավի ընթացքում արդեն խոստացել էր վարորդական իրավունքից զրկված քաղաքացիների համար ներդնել վերականգնման նոր, ավելի մեղմ պայմաններով համակարգ, իսկ այժմ այդ խոստումը ձևակերպվել է օրենսդրական նախաձեռնության տեսքով և դրվել հանրային քննարկման։Հիշեցնենք, որ նախքան սա Փաշինյանը իր ֆեյսբուքյան էջում էլ էր քվյարկություն արել։

ՀՀ ներքին գործերի նախարարության կողմից ներկայացված «Ճանապարհային երթևեկության անվտանգության ապահովման մասին» օրենքում փոփոխությունների և լրացումների փաթեթով առաջարկվում է փոխել վարելու իրավունքից զրկված քաղաքացիների վերականգնման գործող մոդելը՝ ներդնելով փորձաշրջանի համակարգ և սահմանափակ միավորների սկզբունք։

Նախագծով նախատեսվում է, որ վարելու իրավունքից զրկված անձինք, զրկման ժամկետի ավարտից հետո մեկ տարվա ընթացքում դիմելու դեպքում, կարող են մեկ անգամ վերականգնել իրենց վարորդական իրավունքը առանց որակավորման քննությունների՝ 50 հազար դրամ պետական տուրքի վճարմամբ և 1 տարվա փորձաշրջանով։ Այդ ընթացքում վարորդներին կտրվի 6 տուգանային միավոր՝ գործող 13-ի փոխարեն։

Եթե փորձաշրջանի ընթացքում սպառվի տրամադրված 6 միավորը, վարորդը կրկին կզրկվի վարելու իրավունքից՝ մեկ տարվա ժամկետով։ Երկրորդ և հաջորդ դեպքերում վերականգնումը հնարավոր կլինի միայն քննություններ հանձնելու միջոցով։

Նախագծում նաև ընդգծվում է, որ նոր կարգավորումները կտարածվեն նաև 2020 թվականի հունվարի 1-ից մինչև 2026 թվականի մայիսի 1-ը վարելու իրավունքից զրկված քաղաքացիների վրա՝ մեկանգամյա վերականգնման հնարավորությամբ։

Փաստաթղթի հիմնավորման մեջ նշվում է, որ գործող համակարգը բավարար արդյունավետ չի ապահովում վարքագծի փոփոխության վերահսկման առումով, և նոր մոդելի նպատակն է վարորդների ռեաբիլիտացիան՝ ավելի խիստ վերահսկվող փորձաշրջանի միջոցով։

Միաժամանակ նշվում է, որ նախագծի ընդունմամբ պետական բյուջեի եկամուտների կամ ծախսերի էական փոփոխություն չի նախատեսվում, իսկ կարգավորումները մշակվել են ՀՀ ներքին գործերի նախարարության կողմից։

ArmLur.am-ը պարզեց նաև, որ նախաձեռնությունը կապվում է վարչապետ Նիկոլ Փաշինյանի նախընտրական քարոզարշավի ընթացքում հնչեցված խոստման հետ, որով նա հայտարարել էր վարորդական իրավունքների վերականգնման պարզեցված համակարգի ներդրման մասին։

Ներկայում նախագիծը դրվել է հանրային քննարկման։

Նյութի աղբյուր՝ https://armlur.am/1562615/

Այս թեմայով Այսօրվանից վարորդական իրավունքի վկայական ստանալու տեսական քննություններն անցկացվելու են նոր կարգով Սեպտեմբերի 1-ից վարորդական վկայան ստանալու տեսական քննությունները կանցկացվեն նոր կարգով. ՆԳՆ «Փաստ». Ի՞նչ կփոխվի վարորդական իրավունքի վկայականի ստացման գործընթացում «Փաստ». Ի՞նչ կփոխվի վարորդական իրավունքի վկայականի ստացման գործընթացում ԱԺ անցած քաղաքական ուժերի,Կաթողիկոսի խորհրդարան չգալու,Վարդան Ղուկասյանի ազատության հարցերի շուրջ.Բացառիկ հարցազրույց հայտնի իրավապաշտպանի հետ