Ամենրիկյան բարձրաստիճան հրամանտարության գլխին կախված է մնում Մինաբի տարրական դպրոցի երեխաների սպանությունը

ԱՄՆ Կենտրոնական հրամանատարության հրամանատար, ծովակալ Բրեդ Քուփերը Կոնգրեսի լսումների ժամանակ ստիպված է եղել պատասխանել Մինաբի դպրոցի վրա ամերիկյան ուժերի հարվածի մասին հարցին: Հիշեցնենք. դպրոցում զոհվել է ավելի քան 170 երեխա:

«Միացյալ Նահանգները միտումնավոր չի թիրախավորում քաղաքացիական անձանց: Իրանի ժողովուրդը նույնպես մեր թշնամին չէ: Այս դեպքում թշնամին ԻՀՊԿ-ն է: Հետաքննությունը շարունակվում է: Սա բարդ հետաքննություն է: Դպրոցն ինքնին գտնվում է ԻՀՊԿ-ի գործող թևավոր հրթիռային բազայի վրա, ուստի իրավիճակը շատ ավելի բարդ է, քան սովորական հարվածը: Հետաքննության ավարտից հետո ես լիովին հանձնառու եմ թափանցիկությանը: Որպես ռազմական առաջնորդներ՝ մենք գործում ենք զինված հակամարտության օրենքներին և մեր սահմանադրական պարտավորություններին համապատասխան, և հենց դա էլ մենք արեցինք»,- ասում է ծովակալը:

Այլ պատասխան չէր լինի. ընդունել, որ դիտավորյալ հարվածել են տարրական դպրոցին, այն էլ` դասավանդման ժամանակ, դա կնշանակեր սեփական ձեռքով օղախը վզին գցել: Ամեն դեպքում, դա ռազմական հանցագործություն է, որի անմիջական պատասխանատուներից է ամերիկյան ուժերի հրամանատարությունը եւ անձամբ`  ծովակալ Քուփերը: Ու երբ այս թեման առաջ է գալիս ամերիկյան բարձր հարթակներում, դա լուրջ ահազանգ է նաեւ Թրամփի համար:

Ամեն դեպքում, Իրանը շտապել է պատասխանել`  ծովակալ Բրեդ Քուփերին մեղադրելով ստախոսության մեջ: Այսինքն, որ դա ընդամենը սովորական դպրոց էր, այլ ոչ թե «ԻՀՊԿ-ի գործող թևավոր հրթիռային բազա», որի մասին ԱՄՆ-ն որեւէ ապացույց չի ներկայացրել:

Ամեն դեպքում, երբ ամերիկյան հրամանատարությունը դեպքից երկու ամիս անց դեռ խոսում է շարունակվող հետաքննությունից, դա արդեն մեղքն ընդունելու պես մի բան է:

Ի՞նչ այլ բան կարող եք ակնկալել ստախոս մանկասպաններից, որոնք խրված են հանցագործության մեջ:

Տես նաեւ https://t.me/iravunk/67260 

Այս թեմայով Ամերիկյան հեռուստաալիքները Թրամփին «զրկեցին» ձայնից (Տեսանյութ) Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՌԴ Պետդումայի ընտրություններում անակնկալներ չեն լինելու. «Եդինայա Ռոսսիան» մնում է առաջատար ՇՏԱՊ. 36-ամյա գործարարին մահացած են գտել. Հրապարակ