«Ժողովուրդ». Ի հեճուկս Փաշինյանի, Արցախի պետական ինստիտուտների վերականգնման հարցը կրկին օրակարգում է

«Ժողովուրդ» օրաթերթը գրում է. «Մի կողմից Նիկոլ Փաշինյանի իշխանությունը սկսել է Արցախի ներկայացուցչության շենքը վերցնելու և Արցախի պետական ինստիտուտների գործունեությունը փաստացի չեզոքացնելու գործընթաց, սակայն արցախյան շրջանակներում, ըստ «Ժողովուրդ» օրաթերթի տեղեկությունների, հակառակ գործընթացն է հասունանում․ քննարկվում է Արցախի ինստիտուտների, այդ թվում՝ նախագահի ինստիտուտի լիարժեք գործունեության վերականգնման հարցը։

Արցախյան քաղաքական և հասարակական շրջանակներում, ըստ մեր տեղեկությունների, քննարկվում են նաև հնարավոր տարբերակներ և անուններ։ Շրջանառվում է պետնախարար Նժդեհ Իսկանդարյանի անունը, ինչպես նաև Արցախի խորհրդարանի մի քանի պատգամավորների անուններ։

Այսպիսով, մինչ ՀՀ իշխանությունները քայլեր են ձեռնարկում Արցախի ներկայացուցչության շենքի և ինստիտուցիոնալ ներկայության սահմանափակման ուղղությամբ, արցախցիները քննարկում են հակառակ օրակարգը՝ ինչպես վերականգնել և գործնական ռեժիմով ապահովել Արցախի պետական ինստիտուտների աշխատանքը»։

Առավել մանրամասն թերթի այսօրվա համարում

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Կիևը կրկին զանգվածային հարձակման տակ է ԵՄ դեսպանները կրկին չեն կարողացել համաձայնության գալ Ռուսաստանի դեմ պատժամիջոցները երկարաձգելու հարցում «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը ԱՄՆ-ն քննարկում է ՌԴ-ի հետ լայնածավալ գործարքներ կնքելու հարցը՝ մինչև Ուկրաինայում պատերազմի ավարտը. The New York Times