Հայաստանը ցանկանում են քաղաքակիրթ ձեւով կուլ տալ՝ գրկեն, սիրեն, խեղդեն. Հովիկ Աղազարյան

Միասնական ազգային սահմանադրական կուսակցության (ՄԱՍԿ) նախագահ, ԱԺ պատգամավոր ՀՈՎԻԿ ԱՂԱԶԱՐՅԱՆԻ գնահատմամբ՝ ընդդիմությունը սկսել է մի քիչ վախվորած խոսել, հատկապես Ռուսաստանի մասին, որովհետեւ Նիկոլ Փաշինյանին հաջողվել է այս տարինների ընթացքում հակառուսական տրամադրություններ գեներացնել:

— Ու արդեն որոշակի շերտ կա, որ Ռուսաստանին է մեղադրում Արցախի կորստի հարցում: Ընդդիմադիր դաշտն ասում է, որ պետք է մի քանի երաշխավորներ լինեն Արցախի հարցում, օրինակ, Ռուսաստան, Իրան, ԱՄՆ: Այսինքն, այդ խնդիրն այնուամենայնիվ բարձրացնում են: Բայց Արցախի հարցը հո այսօր չի բարձրացված: Այն եղել է անցյալ դարից: Այն ժամանակ, երբ Թուրքիան, ի դեպ, առաջինը, ճանաչեց Հայաստանի Հանրապետության անկախությունը, պետք է նկատենք, որ ճանաչել է այն հատվածի վրա, որտեղ եղել ենք Ռուսաստանի ազդեցության տակ: Ճանաչել է, որպեսզի մասնատի Ռուսաստանից ու կուլ տա: Հիմա այդ կուլ տալու մի քայլն արել է: Արցախը կուլ տվեցին, իսկ Հայաստանը ցանկանում են քաղաքակիրթ ձեւով կուլ տալ՝ գրկեն, սիրեն, խեղդեն: Ու երբ այդ խեղդողը մեզ դուր չգա, թողնենք գնանք Մոսկվա, Լոս Անջելես:

Հետեւաբար, մենք պետք է պատմությանը նայենք 30 տարվա կտրվածքով, որ մեր պատմական հայրենիքի մի փոքր հատվածի վրա ստեղծել ենք պետություն: Իսկ Արցախը կորցնելու համար մեղավոր ենք բոլորս: Մենք պետք է պահպանենք մեր երկիրը, հայրենիքը: Հիմա հարց՝ արդյոք այս իշխանությունների քաղաքականությունը տանում է դրան, կարծում եմ՝ ոչ:

Այս առումով ըննդիմադիր ուժերի զգուշավոր մարտավարությունն Արցախի հարցի վերաբերյալ համարում եմ ճիշտ, քանի որ նրանք հավակնում են դառնալ իշխանություն: Իսկ իշխանությունը չպետք է այդ հարցը դարձնի օրակարգային: Իշխանությունը չպետք է խանգարի Արցախի ժողովրդին՝ ծրագրային համակարգի գործում: Իշխանությունը չպիտի խանգարի եկեղեցուն կրկին այդ հարցում եւ ՀԿ-ներին: Եղել է ցեղասպանություն, եւ այդ հարցը միայն մեր խնդիրը չէ, այլ` Եվրոպայի, Ռուսաստանի եւ աշխարհի խնդիրն է: Այսինքն՝ սա միջազգային հարց է:

ՆԱՆԱ ՍԱՐԳՍՅԱՆ

Այս թեմայով «Փաշինյանը տեղյակ ա, մեզնից փող են վերցրել», էսքանը որ ասեց, ասեցի՝ անհնար ա․ Աղազարյանի գործով նիստ Խոզ մի՛ եղիր․ ԶԱՐՄԱՆՔ «Ժողովուրդ». Ի՞նչ է սպասվում Հովիկ Աբրահամյանի եղբորը «Ժողովուրդ». Հովիկ Աղազարյանի գործի գլխավոր վկան փախուստի մեջ է «Ժողովուրդ». Հովիկ Աբրահամյանի եղբայրը Հակակոռուպցիոն կոմիտեում ինքնախոստովանական ցուցմունք է տվել