Թրամփն ակնարկել է Իրանի դեմ նոր հարվածների մասին

Թրամփը հրապարակել է փոթորկած ծովում իրանական նավերի նեյրոսեթային նկարներ, որտեղ նա և ծովակալն առաջին ֆոնին են` մակագրելով. «Դա փոթորկից առաջ անդորր էր».:

Դրանով ԱՄՆ նախագահը ակնարկել է Իրանի դեմ նոր հարվածների մասին։
Թրամփը նախկինում առաջարկել էր վերսկսել հարվածները, և ամերիկյան լրատվամիջոցների հաղորդագրությունները ցույց են տալիս, որ Պենտագոնը և Սպիտակ տունը քննարկում են պատերազմի վերսկսման հնարավորությունը առաջիկա օրերին։

Սակայն շատ փորձագետներ կարծում են, որ ԱՄՆ-ն այս պահին հազիվ թե սպառնալիքներից այն կողմ անցնի: «Թրամփն այդպես էլ չկարողացավ հասնել նրան, որ Չինաստանն ու Ռուսաստանը հրաժարվեն Իրանին օգնելուց: Նաեւ նրան Պեկինում հուշել են, որ պետք է Թեհրանի հետ պայմանավորվածությունների հասնել հիմնականում Իրանի պայմաններից ելնելով: Այն է. Իրանն ունի ուրանի հարստացման բոլոր իրավունքները, իհարկե, հստակ երաշխիքներով, որ չի պատրաստվում միջուկային զենք ստեղծել: Պեկինում վստահ են նաեւ, որ Իրանն ունի նաեւ Հորմուզի նեղուցի նկատմամբ կոնկրետ իրավունքներ, այդ թվում, անցման համար վարձավճար պահանջելու հարցում: Նախագահ Սին Թրամփին ակնարկել է, որ եթե ԱՄՆ-ն կարող է վերահսկել Պանամայի ջրանցը` դա համարելով նաեւ իր համար ռազմավարական նշանակության խնդիր, ապա ինչո՞ւ նույնը չի կարող անել նաեւ Իրանը` Հորմուզի նեղուցում: Բայց եթե Թրամփն ուզում է խնդիրները լուծել ուժի, այլ ոչ թե իրավունքի դիրքերից, ապա ինչո՞ւ է պահանջում, որ Պեկինը համաձայնվի նման մոտեցման հետ` սահմանափակելով Իրանի հետ հայարեբութունները: Այսինքն, հիմա Թրամփը կարող է վերսկսել պատերազմը, բայց այն դիրքերից, որն ունեն հրադադարի ժամանակ եւ որի պատճառով էլ հրադադար խնդրեց: Ու նաեւ, հիմա դրան ավելանում է նաեւ ԱՄՆ-ում կայանալիք ֆուտբոլի աշխարհի առաջնությունը, որի համար պատերազմը լավ երաշխիք չէ»,- ընդգծում է տեղյակ փորձագետը:

Տե´ս նաեւ https://t.me/iravunk/67104 

Այս թեմայով Նման նշանները վկայո՞ւմ են խոշոր պատերազմի մոտենալու մասին (Տեսանյութ) «Ժողովուրդ». Լենա Նանուշյանի նոր ձախողումների շարքը Իրանի միջուկային զենք ստեղծելու վերջին զգուշացումը հղեց Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը