«ԱՐԾԱԹԵ ՄԵԴԱԼԸ ՀԵՏՈ ԿՓՈԽԵՄ ՈՍԿԵ ՄԵԴԱԼՈՎ». ՍԱՄԲՈՅԻ ԵՐԻՏԱՍԱՐԴՆԵՐԻ ԵՎՐՈՊԱՅԻ ՓՈԽՉԵՄՊԻՈՆ, ՍՅՈՒԶԱՆՆԱ ՄԱՆՈՒԿՅԱՆ

Սերբիայում կայացած Սամբոյի երիտասարդների Եվրոպայի առաջնությանը արծաթե մեդալի է արժանացել մեր երկրի սամբոյի ֆեդերացիայի աղջիկների հավաքականի անդամ, Աշխարհի գավաթի բրոնզե մեդալակիր, ծնունդով Շիրակի մարզի Անի համայնքի Մարալիկ քաղաքից ՍՅՈՒԶԱՆՆԱ ՄԱՆՈՒԿՅԱՆԸ։ Նա Iravunk. com -ի մարզական լրագրողի հետ զրույցում նշեց. - Հանդես եկա 72 կգ քաշային կարգում։ Ընդհանուր անցկացրել եմ 3 գոտեմարտ։ Մեկնարկում, բացարձակ առավելությամբ 8։0 հաշվով հաղթեցի Մոլդովայի ներկայացուցչին, հետո 5։2 հաշվով ուկրաինացի մրցակցիս։ Ափսոս, այնուհետև զիջեցի Բելառուսի ներկայացուցչին 8։0 հաշվով։ Ես գոհ եմ ինձանից, բայց պիտի աշխատեմ Աշխարհի առաջնությունից ոսկե մեդալով վերադառնալ Հայաստան։ Շատ լավ զգացողություններ ունեցա այս արծաթե մեդալը նվաճելուց հետո, լարվածություն չկար, շատ մեծ ոգևորություն ապրեցի։ Այս արծաթե մեդալը ինձ ավելի կոգևորի, որպեսզի այն փոխեմ հետո ոսկե մեդալով։ Անձնական մարզիչներս են Գոռ Մկրտչյանն ու Արեգ Ավետիսյանը։ Շնորհակալ եմ նրանց մշտապես ինձ աջակցելու, շատ օգտակար խորհուրդներ տալու համար։ Նրանց ներդրումը, իսկապես շատ մեծ է այս նվաճմանս մեջ։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի