«ԱՄԵՆԱԴԺՎԱՐԸ ԱՆՑԱՎ ՎՐԱՑՈՒ ՀԵՏ». ՍԱՄԲՈՅԻ ԵՐԻՏԱՍԱՐԴՆԵՐԻ ԵՎՐՈՊԱՅԻ ՓՈԽՉԵՄՊԻՈՆ ՎԱԴԻՍ ՀԱՄԲԱՐՁՈՒՄՅԱՆ

 Սերբիայում կայացած Սամբոյի պատանիների և երիտասարդների Եվրոպայի առաջնությանը Հայաստանի հավաքականը ընդհանուր նվաճել է 16 մեդալ, որից 2 ոսկե, 8 արծաթե և 6 բրոնզե։ Iravunk. com -ի մարզական լրագրողի հետ զրույցում երիտասարդների կազմում արծաթե մեդալակիր, ԱԱ բրոնզե մեդալակիր ՎԱԴԻՍ ՀԱՄԲԱՐՁՈՒՄՅԱՆԸ նշեց.

- Հանդես եկա 79 կգ քաշային կարգում, որն ինձ համար բավականին դժվար էր, քանի որ քաշային կարգի փոփոխություն էր կատարվել, նախկինում ես հանդես էի գալիս 71 կգ - ում։ Մեկնարկային գոտեմարտում 4։0 հաշվով, ձեռքի կոտրող, ցավեցնող հնարքով, վաղաժամ հաղթեցի ուկրաինացի մրցակցին, ով բավականին ուժեղ էր։ Կիսաեզրափակչում վրացի մարզիկի դեմ էի պայքարում, նրան ևս վաղաժամ եմ հաղթել 15։4 հաշվով։ Եզրափակչում, ափսոս, զիջեցի ռուս մրցակցիս։ Ամենադժվարը անցավ վրացու հետ պայքարը, նա ֆիզիկապես շատ ուժեղ էր։

- Վադիս, սամբոն կարող ես մեր երկրում համարել որպես զարգացած մարզաձև։

- Իհարկե, շատ ուրախալի է, որ տարեցտարի ավելանում է այս մարզաձևով պարապողների թիվը։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի