Մանկապղծության դեպք Տավուշում, ենթադրյալ հանցագործները ազատության մեջ են․ Անի Գևորգյան

«Մանկապղծության դեպք է տեղի ունեցել Տավուշի գյուղերից մեկում, սակայն հանցագործներն այժմ ազատ շրջում են։ Սկզբում քրեական գործ է հարուցվել, հանրային քրեական հետապնդում է իրականացվել 1965 թ․ ծնված Ա․ Վանեսյանի և Ռ․ Եսայանի նկատմամբ, սակայն Տավուշի մարզի դատախազ Գ․ Հակոբյանի որոշմամբ հանրային քրեական հետապնդումը դադարեցվել է»։

Այս մասին NewDay.am-ին ահազանգում է տուժող աղջկա հարազատներից մեկը։

Ըստ հարազատի՝ այդ ժամանակ 14-ամյա աղջիկը ցուցմունք է տվել, մասնակցել է դեպքի վայրի զննությանը և մանրամասնել դեպքի հանգամանքները։

«Երեխան փորձեց ապացուցել տեղի ունեցածը, բայց տեր չուներ, ահաբեկված էր։ Մայրը մահացած էր, իսկ հայրը հետագայում հրաժարվեց երեխայի խնամակալությունից։ Սկզբում նա ցուցմունք էր տվել, պատմել էր դպրոցի տնօրենին, սակայն հիմա հրաժարվում է խոսել այդ թեմայով։ Երեխան այժմ գտնվում է խնամքի կենտրոնում։

Ինչքան գիտենք, նրան առանց փաստաբանի 4 ժամ հարցաքննել են։ Հարցաքննությանը մասնակցել է նաև Բերդի համայնքապետարանի սոցիալական աջակցության բաժնի աշխատակիցը, որը, մեր տեղեկություններով, գործով անցնող մեղադրյալներից մեկի բարեկամն է` Ա․ Եսայանը»,– նշեց հարազատը։

Մեզ դիմած քաղաքացու խոսքով՝ Վեդիի դեպքից հետո կարծում են, որ եթե հետամուտ լինեն, այս դեպքն էլ կարող է բացահայտվել։

«Ուզում եմ մտածել, որ այս գործը ևս հնարավոր է վերաբացել։ Դեպքը տեղի է ունեցել 2023 թվականին։ Երեխան ճանաչվել է տուժող, սակայն 2024 թվականին գործը կարճվել է։ Եթե լավ փաստաբան լինի, ամեն ինչ կբացահայտվի»,– նշեց քաղաքացին՝ հավելելով, որ իրականացված քննության նկատմամբ վստահություն չունեն։ Նրանք փորձել են նաև բողոքարկել դատախազի գործողությունները, սակայն իրենց ասել են, որ նման իրավասություն չունեն։

NewDay.am-ին տրամադրվել են նաև այլ տվյալներ, որոնք չենք հրապարակվում՝ ելնելով երեխայի լավագույն շահից։

Նյութի աղբյուր՝ https://www.facebook.com/permalink.php?story_fbid=pfbid02aTZCvPZfYxKwjU6ZPAi2p6or3VvZ58QocL8DDUXi7Z4cmuZQMKH6RTEKnPzRs

Այս թեմայով Քչերը գիտեն, թե ինչու է Տավուշում Վարդավառը ավելի ուշ գալիս Ընտրողների մասնակցությունն ըստ մարզերի Վեդիում 17-ամյա աղջկա նկատմամբ անառակաբարո գործողություն կատարած անձը ձերբակալվել է Վեդին ցնցված է մանկապղծության խայտառակ միջադեպից Սուրբ Էջմիածինը գրավել Նիկոլին անհրաժեշտ է. Աննա Մկրտչյան