Ռուսական ուժերը Կենտրոնական Դոնբասում մասշտաբային հարձակում են զարգացնում (Քարտեզ)

Ուկրաինացի ռազմական վերլուծաբանները ուշացումով հաստատել են, որ «Օ» զորախումբն ակտիվորեն զարգացնում է հարձակումը Պոկրովսկի արեւելյան թեւում, որը սկսել է դառնալ ծայրահեղ վտանգավոր: Հրադադարից հետո ռուսական ուժերը հասցրեցին լիովին մաքրել Գրիշինոյի արեւմտյան թեւը եւ Նովոալեքսանդրովկան` սկսելով Վասիլևկայի գրոհը (Քարտեզում)։

Իրականում Վասիլեւկայից զատ, ռուսական ուժերն այս հատվածում արդեն հասել են նաեւ հարեւան Միրնոե` հարձակումն ակտիվացնելով դեպի Դնեպրոպետրովսկի ուղղություն տանող մայրուղով: 

Մի փոքր ավելի հարավ սկսվել է նաեւ Սերգեեւկայի գրոհը, որը հուշում է ռուսների ծրագրերի մասին:

Նման է, որ ռուսներն այս հատվածում առաջնային խնդիր ունեն Դնեպրոպետրովսկի սահման դուրս գալը ասենք Կամենկայի հատվածում: Կհաջորդի հարձակումը դեպի հյուսիս` Դոբրոպոլե-Ալեքսանդրովկա գծի արեւմտյան թեւով (Քարտեզում): Այստեղ բնակավայրերը քիչ են, որն ուկրաինական կողմի համար խնդիր է պաշտպանություն կազմակերպելու համար:

Հաջողությունը կնշանակի շրջապատման ռիսկ Դոմբասում ուկրաինական վերահսկողության ողջ գոտու համար: Այսինքն կարելի է ենթադրել, որ եթե քաղաքական որոշումներով պատերազմը չկանգնի, ռուսական առանցքային ուժերից մեկի` «Օ» բանակախմբի համար գարուն-ամառային կոմպանիան հենց նշված ուղղությամբ էլ կզարգանա:

Այս թեմայով Ռուսական լրատվամիջոցներ. Զելենսկու լիկվիդացիայի ոչ պաշտոնական արգելքը հանվել է Մոսկվայում կայացել է հայ-ռուսական երկրորդ գիտակրթական ֆորումը․ մասնակցել են երկու երկրների կրթության ոլորտի նախարարները «Փաստ». Նոր լարվածություն հայ-ռուսական հարաբերություններում Ուկրաինական անօդաչուները զանգվածային հարձակում են իրականացրել Վոլգոգրադի արդյունաբերական գոտու վրա. Ուկրաինական անօդաչուները խոշոր հարձակում են իրականացրել Լենինգրադի մարզում