Ուկրաինական պատերազմն իրոք կարո՞ղ է արագորեն ավարտվել

Այն, որ Ուկ­րաի­նա­յի հետ կապ­ված վեր­ջին օ­րե­րին նկատ­վում են կտրուկ տե­ղա­շար­ժեր, չնկա­տել պար­զա­պես հնա­րա­վոր չէ: Բայց ի­րա­կա­նում ի՞նչ է կա­տար­վել, որ­քա­նո՞վ է ռեալ Պու­տի­նի վեր­ջին հայ­տա­րա­րութ­յու­նը` ուկ­րաի­նա­կան հա­կա­մար­տութ­յան հնա­րա­վոր ա­րագ ա­վար­տի մա­սին, փոր­ձենք հաս­կա­նալ:

Ուկ­րաի­նա­կան տեղ­յակ աղբ­յու­րը Մոսկ­վա­յին մա­յի­սի 9–ին հար­վա­ծե­լու` Զե­լենս­կու սպառ­նա­լիք­նե­րից «մեկ գի­շերում» զի­նա­դա­դա­րի անց­նե­լու քայ­լը բա­ցատ­րում է այն վերջ­նագ­րով, ո­րը Վա­շինգ­տո­նից հղվել է Կիե­ւին: Այն է`«Ո­ւիտ­կո­ֆը նոր վերջ­նա­գիր է ներ­կա­յաց­րել Զե­լենս­կուն, եւ մենք հի­մա մոտ ենք խա­ղա­ղութ­յա­նը»:

Ի­հար­կե, նման վերջ­նագ­րեր է­լի են ե­ղել, եւ աղբ­յու­րը չի բա­ցա­ռում, որ այս ան­գամ էլ հար­ցը կա­րող է գլուխ չգալ` բացատ­րե­լով. «Զե­լենս­կին հրա­տապ փակ հան­դի­պում է ու­նե­ցել Եր­մա­կի հետ՝ քննար­կե­լու հա­մար, թե ինչ­պես խու­սա­փել կոմպ­րո­մա­տա­յին տե­ղե­կատ­վութ­յան հրա­պա­րա­կու­մից, ո­րի մա­սին նրան հայտ­նել են ԱՄՆ-ից»:

Չ­նա­յած դրան, փոր­ձա­գե­տը նաեւ տե­ղե­կաց­նում է. «Նա­խա­գա­հի աշ­խա­տա­կազ­մը սպա­սում է Ո­ւիտ­կո­ֆի ժա­ման­մա­նը Կիեւ՝ Զե­լենս­կիի հետ բա­նակ­ցութ­յուն­նե­րի հա­մար: Բա­նակ­ցութ­յուն­նե­րում նա­խա­գա­հը ցան­կա­նում է ե­րաշ­խիք­ներ ստա­նալ իր շրջա­պա­տի եւ­ իր անվ­տան­գութ­յան հա­մար»: Այ­սինքն, ակ­նարկն այն մա­սին է, որ Զե­լենս­կին ու Եր­մա­կը հստակ ծրա­գիր դեռ չու­նեն, թե ինչ­պես կա­րող են հաս­նել նրան, որ ԱՄՆ-ն հետ կանգ­նի կոմպ­րո­մա­տա­յին փաս­տե­րի հրա­պա­րա­կու­մից: Ու հի­մա մտա­ծում են` ինչ­պես կա­րող են այս ի­րա­վի­ճա­կից դուրս գալ ա­ռանց, ա­սենք, բանտ նստե­լու կամ հան­րա­յին ինք­նա­դա­տաս­տա­նի են­թարկ­վե­լու: Հաշ­վի առ­նե­լով, որ խոս­քը, ըստ ա­մե­նայ­նի, շատ ծանր կոմպ­րո­մատ­նե­րի մա­սին է: Այդ թվում, Մին­դի­չի գաղտ­նալ­սում­նե­րի սկան­դա­լա­յին պատ­մութ­յան շա­րու­նա­կութ­յան, ա­վե­լի ստույգ, այն դրվագ­նե­րի, ո­րոնք ուղ­ղա­կիո­րեն վե­րա­բե­րում են ան­ձամբ Զե­լենս­կուն: Այդ թվում են զեն­քի հետ կապ­ված կո­ռուպ­ցիոն գոր­ծարք­նե­րը, ո­րոնց հրա­պա­րա­կու­մը ոչ միայն ջրի ե­րես կհա­նի ֆի­նան­սա­կան մե­քե­նա­յութ­յուն­նե­րի եւ մի­լիար­դա­վոր դո­լար­նե­րի ար­տա­սահ­ման­յան հա­շիվ­նե­րի վե­րա­բեր­յալ տվյալ­նե­րը, այլ այդ հիմ­քով ԱՄՆ-ն պատ­ժա­մի­ջոց­ներ կկի­րա­ռի: Իսկ ա­մե­նավ­տան­գա­վորն այն է, որ ուկ­րաի­նա­կան բա­նա­կը շատ պարզ կտես­նի. մինչ ռազ­մա­ճա­կատ­նե­րում ար­յուն էր թա­փվում, այս­տեղ ա­մե­նա­վե­րին մա­կար­դա­կում թա­լա­նել են պա­տե­րազ­մի հա­մար ստա­ցած մի­ջոց­նե­րը: Թե դրան ինչ է հե­տե­ւե­լու, կա­րե­լի է են­թադ­րել:

­Կար­ծես թե դա Զե­լենս­կու թի­մում ըն­կալ­վում է, որ­պես միան­գա­մայն ռեալ սպառ­նա­լիք, նաեւ հաշ­վի առ­նե­լով, որ ար­դեն իսկ ի­րենց ծանր հար­ված հասց­նող ո­րոշ տվյալ­ներ սկսել են դրվել շրջա­նա­ռութ­յան մեջ: Այս­պես, Ուկ­րաի­նա­յում բա­ռա­ցիո­րեն շոկ ա­ռա­ջաց­րեց սո­ցիա­լա­կան քա­ղա­քա­կա­նութ­յան նա­խա­րար Ուլ­յու­տի­նի այն հայ­տա­րա­րութ­յու­նը, որ «Ուկ­րաի­նա­յի կա­ռա­վա­րութ­յան կող­մից վե­րահսկ­վող տա­րած­քում» ներ­կա­յումս ապ­րում է մոտ 22-25 մի­լիոն մարդ:

Ուկ­րաի­նա­կան հան­րութ­յան հա­մար դրանք, ի­հար­կե, ծանր թվեր են: Այն ի­մաս­տով, որ ե­թե ԽՍՀՄ-ի փլուզ­ման պա­հին եր­կիրն ու­ներ 51 մի­լիոն բնակ­չութ­յուն, պա­տե­րազ­մից ա­ռաջ` մոտ 41 մի­լիոն, հի­մա, Զե­լենս­կու կա­ռա­վար­ման տա­րի­նե­րին բնակ­չութ­յու­նը կի­սով չափ կրճատ­վել է՝ հաս­նե­լով 20 մի­լիո­նի։ Այ­սինքն, ուկ­րաի­նա­կան գոր­ծող իշ­խա­նութ­յուն­նե­րի տա­րաբ­նույթ խա­ղե­րի, մի­լիար­դա­վոր դո­լար­նե­րի թա­լա­նի պատ­ճա­ռով մի­լիո­նա­վոր մար­դիկ լքել են եր­կի­րը կամ մնա­ցել Կի­եւի կող­մից չվե­րահսկ­վող տա­րածք­նե­րում (ռազ­մա­ճա­կա­տում զոհ­ված­նե­րի թիվն այս հա­մա­տեքս­տում ա­մե­նա­փոքրն է): Ա­վե­լին, դրսում են հիմ­նա­կա­նում կա­նայք, ե­րե­խա­ներ, դե­ռա­հաս­ներ եւ­ ե­րի­տա­սարդ­նե­ր, նաեւ` մաս­նա­գետ­նե­ր։ Հենց նրանք, ով­քեր պետք է ծննդա­բե­րեին, աշ­խա­տեին, վե­րա­կա­ռու­ցեին եր­կի­րը եւ հար­կեր վճա­րեին։ Եվ որ­քան եր­կար է շա­րու­նակ­վում պա­տե­րազ­մը, այն­քան ա­վե­լի ք­չերն են ի­րա­կա­նում պատ­րաստ­վում վե­րա­դառ­նալ։ Մար­դիկ այս ըն­թաց­քում հաս­տատ­վում են դրսում, ի­րենց ե­րե­խա­նե­րին դպրոց­ներ են ու­ղար­կում, աշ­խա­տանք են գտնում, փաս­տաթղ­թեր են ստա­նում եւ նոր կյանք են սկսում։ Զանգ­վա­ծա­յին վե­րա­դար­ձի պա­տու­հա­նը աս­տի­ճա­նա­բար փակ­վում է։ «Եվ ո՞ւր վե­րա­դառ­նան, պարտ­քե­րի եւ ա­վե­րա­ծութ­յուն­նե­րի տակ մնա­ցած փլուզ­վող եր­կի՞ր, որ­տեղ հա­զիվ թե ո­րե­ւէ մեկն իր եւ իր ե­րե­խա­նե­րի համ­նար ա­պա­գա պատ­կե­րաց­նի»,- ընդգ­ծում է ուկ­րաի­նա­կան աղբ­յուր­նե­րից մե­կը: Մինչ­դեռ ան­գամ այս վի­ճա­կում երկ­րի փաս­տա­ցի իշ­խա­նութ­յուն­նե­րը շա­րու­նա­կում են խո­սել եր­կա­րատեւ պա­տե­րազ­մի մա­սին, թեեւ ար­դեն ան­գամ 1–2 տա­րին Ուկ­րաի­նա­յից պար­զա­պես բան չի թող­նե­լու: «Ու ե­թե պա­տե­րազ­մի ա­վար­տին պարզ­վի, որ Ուկ­րաի­նա­յում հա­զիվ 10-15 մի­լիոն մարդ է մնա­ցել, ու մեր քա­ղաք­նե­րում եւ գյու­ղե­րում սկսեն բնակ­վել դրսից ե­կած­նե­րը, ա­պա վստահ ե­ղեք` Ուկ­րաի­նա այն տես­քով, որն ու­նեինք նույ­նիսկ Պո­րո­շեն­կո­յի կա­ռա­վար­ման ժա­մա­նակ, հաս­տատ չի լի­նե­լու: Սա է Զե­լենս­կու վրա դրված դե­րը, կա­րող ենք ար­դեն վստահ լի­նել»,- ընդգ­ծում է ուկ­րաի­նա­կան փոր­ձա­գի­տա­կան աղբ­յուր­նե­րից մե­կը:

Այն, որ այս թե­ման ի հայտ ե­կավ հենց ներ­կա խա­ռը պա­հին, իսկ կա­ռա­վար­վող քա­րոզ­չութ­յան այս պատ­կե­րը Զե­լենս­կու դեմ լուրջ ար­շա­վի, դժվար չէ կռա­հել: Իսկ ե­թե այդ ա­մե­նը հա­մեմ­վի կոնկ­րետ ա­պա­ցույց­նե­րով, թե ինչ­պես է երկ­րի բնակ­չութ­յան նման ա­ղե­տը հարս­տաց­րել շատ կոնկ­րետ ան­ձանց, ա­պա հարց կա­ռա­ջա­նա` ա­ռանց ա­մե­րի­կա­ցի­նե­րի պաշտ­պա­նութ­յան Զե­լենս­կին կհասց­նի՞ երկ­րից դուրս փախ­չել: Իսկ այդ պաշտ­պա­նութ­յու­նը, ինչ­պես նշեց ուկ­րաի­նա­կան աղբ­յու­րը, իր գինն ու­նի:

Ամ­բողջ հարցն այս պա­հին հե­տեւ­յալն է` Թ­րամփն այս ան­գամ մին­չեւ վերջ կսեղ­մի՞: Ա­մեն դեպ­քում, Մոսկ­վան եւս հայտ­նեց, որ սպա­սում է Ո­ւիտ­կո­ֆի այ­ցին, եւ ին­չը ռեալ տեսք է տա­լիս Պու­տի­նի հայ­տա­րա­րութ­յա­նը` ուկ­րաի­նա­կան հա­կա­մար­տութ­յան հնա­րա­վոր ա­րագ ա­վար­տի մա­սին:

Տե´ս նաեւ https://t.me/iravunk/66959 

Այս թեմայով «Ահեղ դատաստանի» ձմեռ է գալիս. Ուկրաինական պաշտոնյա Ուկրաինական աղբյուրների տարածել են ռուսական «Գերան-5» հրթիռային անօդաչուի թռիչքի եւ թիրախի խոցման կադրերը (Տեսանյութ) Ռուսական բանակը կարող է մտնել Զապորոժե այս ձմռանը. Ուկրաինական հրամանատար Արթիկում՝ 4 քաղաքական ուժ, Ախուրյանում՝ 1․ ավարտվել են ՏԻՄ ընտրությունների առաջադրումները Դմիտրի Մեդվեդևը իսկապես վախեցրել է եվրոպացիներին. Ուկրաինական գնդապետ