Ինչ են ակնարկում Հայաստանին Պուտինի կոշտ հայտարարությունները

Այն, որ ՌԴ նա­խա­գահ Վ­լա­դի­միր Պու­տի­նի վեր­ջին հայ­տա­րա­րութ­յու­նը, Հա­յաս­տա­նի ԵՄ գնա­լու հետ կապ­ված, պետք է բուռն ռեակ­ցիա ա­ռա­ջաց­ներ, այն էլ Հա­յաս­տա­նում շի­կա­ցող նա­խընտ­րա­կան կրքե­րի հա­մա­տեքս­տում, սպա­սե­լի էր: Եվ այն, որ Միր­զո­յան Ա­րոն շտա­պեց ար­ձա­գան­քել նույն ան­համ տար­բե­րա­կով, թե մենք կո­րո­շենք, երբ ենք ԵԱՏՄ­–ից դուրս գա­լիս կամ ԵՄ գնում, աս­վա­ծի հաս­տա­տումն էր:

ԻՆՉԻ ՄԱՍԻՆ ԽՈՍԵՑ ՌԴ ՆԱԽԱԳԱՀԸ

Այս­պի­սով, ի՞նչ կա­տար­վեց, ին­չի մա­սին է խո­սում մա­յի­սի 9–ի կա­պակ­ցութ­յամբ տված բրի­ֆին­գում Պու­տի­նի նման կոշտ հայ­տա­րա­րութ­յու­նը: Այս­տեղ, թե­րեւս, նախ հե­տեւ­յալ փաս­տը պետք է նկա­տել: Այս ե­լույ­թում ՌԴ նա­խա­գահն անդ­րա­դար­ձավ հա­մաշ­խար­հա­յին նշա­նա­կութ­յան մի շարք հար­ցե­րի, ա­վե­լի կոնկ­րետ` հենց այդ թե­մա­նե­րի շուրջ Մոսկ­վայ­ի դիր­քո­րո­շու­մը հայտ­նել էր հիմ­նա­կան ի­մաս­տը: Նախ խո­սեց Ուկ­րաի­նա­յից` հնչեց­նե­լով սեն­սա­ցիոն միտք, թե հա­կա­մար­տութ­յունն ա­վարտ­վում է, կա­րող է ըն­դու­նել Զե­լենս­կուն: Ակ­նար­կե­լով նաեւ, որ այդ ի­րա­վի­ճա­կը ստեղծ­վել է Թ­րամ­փի հետ քննար­կում­նե­րի արդ­յուն­քում: Անդ­րա­դար­ձավ նաեւ Եվ­րո­պա­յում մեծ մասշ­տաբ ստա­ցած քննար­կում­նե­րին, թե պետք է սկսել Մոսկ­վա­յի հետ բա­նակ­ցել, ու կա գլխա­վոր բա­նագ­նաց ընտ­րե­լու կա­րիք: Պու­տի­նը դեմ չէ բա­նակ­ցե­լուն ու նաեւ նշեց, թե իր հա­մար ցան­կա­լի բա­նագ­նա­ցը կա­րող է Գեր­մա­նիա­յի նախ­կին կանց­լեր Շ­րոյ­դե­րը լի­նել` դրա­նով «տա­կից» միան­գա­մայն ծանր հար­ված հասց­նե­լով գոր­ծող կանց­լեր Մեր­ցին: Ա­պա հեր­թը հա­սավ ի­րա­նա­կան հա­կա­մար­տութ­յա­նը` է­լի հնչեց­նե­լով միան­գա­մայն կա­րե­ւոր մո­տե­ցում. «Այն պետք է հնա­րա­վո­րինս ա­րագ դա­դա­րեց­վի։ Այլեւս ոչ մի կողմ չի հե­տաքրքր­ված դրա շա­րու­նակ­մամբ։ Ե­թե այն շա­րու­նակ­վի, բո­լո­րը կպարտ­վեն»: Ու նաեւ ակ­նարկ­ներ ե­ղան ռուս­–ա­մե­րիկ­յան, ռուս–­չի­նա­կան եւ չին­–ա­մե­րիկ­յան հա­րա­բե­րութ­յուն­նե­րի մա­սին:

­Թե այս ա­մենն ինչ է նշա­նա­կում, որ­տե­ղից ուր է տա­նում, դեռ կհաս­նենք: Այս պա­հին նկա­տենք, որ այդ կա­րե­ւո­րա­գույն թե­մա­նե­րին զու­գա­հեռ նաեւ Հա­յաս­տա­նի մա­սին խո­սե­լը, չա­սենք տա­րօ­րի­նակ է, բայց հաս­կա­նա­լու խնդիր կա: ՌԴ նա­խա­գա­հի խոս­քը տե­սա­նե­լի, բաց ի­մաս­տը սա էր. Հա­յաս­տա­նի՝ ԵՄ-ին միա­նա­լու ծրագ­րե­րը պա­հան­ջում են հա­տուկ քննար­կում, եւ այն կքննարկ­վի ԵԱՏՄ մա­կար­դա­կով ա­ռա­ջի­կա հա­վա­քին, ո­րը նա­խա­տես­ված է այս ամս­վա վեր­ջե­րին: Նախ­նա­կան քննար­կում­ներ ար­դեն ե­ղել են. «Մենք այս մա­սին մեկ ան­գամ չէ, որ քննար­կում ենք ու­նե­ցել Փա­շին­յա­նի հետ եւ դ­րա­նում որ­եւէ ա­ռանձ­նա­հա­տուկ բան չենք տես­նում»: Բայց, ըստ Պու­տի­նի, ամ­բողջ խնդի­րը տա­նում է հե­տեւ­յա­լին. պետք է այս հար­ցով անց­կաց­նել հան­րաք­վե՝ հարց­նե­լով Հա­յաս­տա­նի քա­ղա­քա­ցի­նե­րին, թե արդ­յոք նրանք ցան­կա­նո՞ւմ են միա­նալ ԵՄ-ին: « Ըստ դրա՝ մենք կկա­տա­րենք հա­մա­պա­տաս­խան ընտ­րութ­յուն եւ կձգ­տենք մեղմ, խե­լա­միտ ա­մուս­նա­լու­ծութ­յան»,- հայ­տա­րա­րել է Ռու­սաս­տա­նի նա­խա­գա­հը: Ընդ ո­րում, այս հա­մա­տեքս­տում Պու­տի­նը հա­մե­մա­տութ­յուն է անց­կաց­րել Ուկ­րաի­նա­յի հետ` ընդգ­ծե­լով, որ այն­տեղ էլ ա­մեն բան սկսվեց հենց եվ­րաին­տեգ­րա­ցիա­յի գա­ղա­փա­րից:

­Պու­տի­նի այս հայ­տա­րա­րութ­յու­նից ա­ռա­ջին հե­տե­ւութ­յու­նը միան­գա­մից է աչ­քի ա­ռաջ գա­լիս: Նախ, երբ Հա­յաս­տան–ԵՄ թե­ման ա­ռաջ է քաշ­վում թվարկ­ված գլո­բալ, հա­մաշ­խար­հա­յին նշա­նա­կութ­յան հար­ցե­րի հետ միա­ժա­մա­նակ, դա պարզ ակ­նարկ է, որ հա­յաս­տան­յան ուղ­ղութ­յու­նը նույն­քան կա­րե­ւոր է հա­մա­րում, որ­քան մյուս­նե­րը:

­Հա­ջոր­դը. երբ ա­ռա­ջար­կում է եվ­րաին­տեգ­րա­ցիա­յի թե­մա­յով հան­րաք­վե, ա­պա այս­տեղ հե­տե­ւութ­յու­նը միան­շա­նակ է: Դ­րա­նով Պու­տինն առն­վազն կաս­կա­ծի տակ է առ­նում նի­կո­լա­կան խուն­տա­յից ե­կող հայ­տա­րա­րութ­յուն­նե­րը, թե եվ­րաին­տեգ­րա­ցիան Հա­յաս­տա­նի բնակ­չութ­յան ցան­կութ­յունն է: Ե­թե այդ­պես չէ, հան­րաք­վեն անց­կաց­վի եւ ու­նե­նա դրա­կան արդ­յունք, ա­պա այս­տեղ ա­մեն բան հաս­կա­նա­լի է`«մեղմ, խե­լա­միտ ա­մուս­նա­լու­ծութ­յուն»:

­Սա­կայն ՌԴ նա­խա­գա­հը, թե­րեւս, վստահ է, որ Նի­կո­լը նման հան­րաք­վե չի անց­կաց­նե­լու կամ անց­կաց­նե­լու դեպ­քում դրա­կան արդ­յունք չի լի­նի. այ­լա­պես վա­ղուց անց­կաց­րած կլի­ներ եւ հի­մա շատ ա­վե­լի վստահ դիր­քե­րով այդ ուղ­ղութ­յունն ա­ռաջ կտա­ներ: Այս տար­բե­րա­կի դեպ­քում Պու­տի­նի այդ ա­ռա­ջար­կը սկսում է նման­վել խոր­քա­յին ակ­նար­կի, որ ոչ թե հայ ժո­ղո­վուր­դը, այլ նի­կոլ­յան թիմն է փոր­ձում եր­կի­րը տա­նել կեղծ ուղ­ղութ­յամբ: Իսկ դա, դա­տե­լով Ուկ­րաի­նա­յի հետ նրա հա­մե­մա­տութ­յու­նից, Հա­յաս­տա­նը տա­նում է ուկ­րաի­նա­ց­ման: Հան­րա­գու­մա­րը սա է. ե­թե հան­րաք­վե չլի­նի, հա­վա­նա­կան է ուկ­րաի­նա­կա­նին նման ինչ­–որ տար­բե­րակ: Հա­մե­նայն­դեպս, «մեղմ, խե­լա­միտ ա­մուս­նա­լու­ծութ­յուն» այս տար­բե­րա­կով չի լի­նե­լու: Ի՞նչ է լի­նե­լու դրա փո­խա­րեն. տասն­յակ սցե­նար­ներ կան, դեռ Մոսկ­վան էլ ե­րե­ւի չի ո­րո­շել, թե որ մե­կով ա­ռաջ կգնա: Սա­կայն այդ սցե­նար­նե­րից յու­րա­քանչ­յու­րը կա­րող է ուղղ­ված լի­նել ոչ թե հայ ժո­ղովր­դի դեմ, ո­րի կար­ծի­քը չեն ու­զում հարց­նել, այլ նրանց, ով­քեր փոր­ձում են չհարց­նել ժո­ղովր­դի կար­ծի­քը:

ԿՏՐՈՒԿ ՏԵՂԱՇԱՐԺ ՈՒԿՐԱԻՆԱԿԱՆ ՈՒՂՂՈՒԹՅԱՄԲ

Ընդ ո­րում, կրկնենք, երբ այս բո­լոր ակ­նարկ­նե­րը հնչում են մի­ջազ­գա­յին գլո­բալ խնդիր­նե­րին զու­գա­հեռ, ա­պա սա պարզ ընդգ­ծում է, որ հա­յաս­տան­յան թե­ման Մոսկ­վա­յի ա­ռաջ­նա­յին օ­րա­կար­գում է: Ա­ռա­վել եւս, որ նման հայ­տա­րա­րութ­յու­նը հնչեց այս օ­րե­րին Մոսկ­վա­յից Հա­յաս­տա­նին հաս­ցեագր­ված քննա­դա­տութ­յան ֆո­նին, կապ­ված ԵՄ լի­դեր­նե­րի վեր­ջին հա­վա­քի հետ: Ընդ ո­րում, ինչ­պես հա­տուկ ընդգ­ծեց ՌԴ նա­խա­գա­հի խոս­նա­կը, Մոսկ­վան խնդիր է հա­մա­րում ոչ թե այն, որ եվ­րո­պա­կան պե­տութ­յուն­նե­րի եւ ԵՄ ա­ռաջ­նորդ­ներ են ե­կել Հա­յաս­տան, այլ որ հար­թակ է տրա­մադր­վել նաեւ Զե­լենս­կուն` մի շարք ընդգծ­ված հա­կա­ռու­սա­կան հայ­տա­րա­րութ­յու­ններ հնչեց­նե­լու հա­մար:

­Բայց այս մե­դա­լը, թե­րեւս, մի փոքր այլ ե­րես ու­նի: Այն, որ կոնկ­րետ եվ­րա­լի­դեր­ներ Զե­լենս­կուն Ե­րե­ւան էին բե­րել հատ­կա­պես մա­յի­սի 9–ի մոս­կով­յան մի­ջո­ցա­ռում­նե­րը տոր­պե­դա­հա­րե­լու հա­մար, էն գլխից էր պարզ: Ինչ ծրա­գիր էին դրա տակ դրել, ի­րենք կի­մա­նան: Միայն թե այդ ծրա­գի­րը «թարս բուս­նած խիա­րի» տար­բե­րա­կով ե­ղավ. նման հայ­տա­րա­րութ­յու­ննե­րով Զե­լենս­կին հար­ված հասց­րեց ոչ միայն Մոսկ­վա­յին, այլ նաեւ` Վա­շինգ­տո­նին: Ա­վե­լի կոնկ­րետ, սկսվեց մի խաղ, ո­րը Զե­լենս­կուն բե­րող­նե­րը հաս­տատ չէին հաշ­վար­կել: Նախ Մոսկ­վան ար­ձա­գան­քեց. ե­թե Զե­լենս­կին փոր­ձի հա­րա­մել մա­յի­սի 9–ը, Ռու­սաս­տա­նը կչե­ղար­կի բո­լոր «կար­միր գծե­րը»` սկսե­լով հար­վա­ծել ուկ­րաի­նա­կան ո­րո­շում­նե­րի կա­յաց­ման կենտ­րոն­նե­րին, այդ թվում` Կիե­ւի կենտ­րո­նի կա­ռա­վա­րա­կան հաս­տա­տութ­յուն­նե­րին: Հա­ջոր­դեց Մոսկ­վա­յի հա­ջորդ ակ­նար­կը, թե ար­դեն ա­նի­մաստ է հա­մա­րում Ալ­յաս­կա­յի պայ­մա­նա­վոր­վա­ծութ­յուն­նե­րի հի­ման վրա ստեղծ­ված բա­նակ­ցա­յին ե­ռա­կողմ ձե­ւա­չա­փը, այ­սինքն, որ Վա­շինգ­տո­նը հար­ցեր չի կա­րո­ղա­նում լու­ծել: Ու նման է, որ այդ ա­մե­նը Պու­տի­նը հե­ռա­խո­սազ­րույ­ցով ու­ղիղ ներ­կա­յաց­րեց նաեւ Թ­րամ­փին: Նաեւ հաս­կա­նա­լի է, որ այդ ի­րա­վի­ճակն ազ­դե­լու է ոչ միայն ուկ­րաի­նա­կան, այլ նաեւ` ռուս­–ա­մե­րիկ­յան, ի­րա­նա­կան եւ ան­գամ չի­նա­կան ուղ­ղութ­յուն­նե­րի վրա: Եվ այս­տեղ Թ­րամ­փի մե­ղա­վո­րութ­յունն ընդգծ­ված է. խոս­տա­ցավ, բայց այդ­պես էլ չի կա­րող կամ չի ցան­կա­նում ազ­դել Կիե­ւի վրա:

Եվ ա­հա այս պա­հից էլ Ուկ­րաի­նա­յի հետ կապ­ված սկսվե­ցին «տա­րօ­րի­նակ» տե­ղա­շար­ժեր: Օ­րի­նակ. ե­թե Polymarket հայտ­նի կան­խա­տե­սում­նե­րի հար­թա­կում դեռ մա­յի­սի 6-7-ին հա­վա­նա­կա­նութ­յու­նը, որ Ուկ­րաի­նա­յում պա­տե­րազ­մը կա­վարտ­վի շատ ա­րագ, գնա­հատ­վում էր ըն­դա­մե­նը 3-4 տո­կոս, ա­պա մա­յի­սի 10–ին այն հա­սավ մոտ 100 տո­կո­սի:  Տ­րա­մադ­րութ­յուն­նե­րի նման շրջա­դար­ձի մեջ, մի­գու­ցե, իր դերն ու­նե­ցավ նաեւ Պու­տի­նի ե­րեկ­վա հայ­տա­րա­րութ­յու­նը, թե հա­վա­տում է, որ հա­կա­մար­տութ­յու­նը շուտ կա­վարտ­վի: Բայց ոչ միայն. դա բա­վա­րար չէր 3-4 տո­կո­սը 100-ի հասց­նե­լու հա­մար:

ԻՍԿ ԲՐԻՏԱՆԱԿԱՆ «ՏԵՐԵՐԸ» ՆՈՐԻՑ ԽԱՌԸ ՎԻՃԱԿՈՒՄ ԵՆ

­Թե ի­րա­կա­նում ինչ­պես տե­ղի ու­նե­ցավ նման տե­ղա­շար­ժը, ուր կա­րող է այն հասց­նել, դեռ կանդ­րա­դառ­նաք: Մինչ այդ, նկա­տենք, որ երբ այդ թե­ման ա­ռա­ջին պլան է բե­րում իր բրի­ֆին­գում, դրա հետ կա­պում է ի­րա­նա­կան եւ մյուս խո­շոր թե­մա­նե­րը ու նաեւ միան­գա­մայն թա­փան­ցիկ ակ­նարկ­ներ է հնչեց­նում Հա­յաս­տա­նի հետ կապ­ված, ա­պա դա խո­սում է նրա մա­սին, որ այդ ա­մե­նը Ռու­սաս­տա­նի եւ ԱՄՆ­–ի նա­խա­գահ­նե­րի վեր­ջին հե­ռա­խո­սազ­րույ­ցի ժա­մա­նակ հստա­կեց­ված հար­ցեր են:

Այս ի­րա­վի­ճա­կում Զե­լենս­կին, ա­սենք նաեւ Նի­կո­լը, ի­հար­կե, դեռ կա­րող են ի­րենց եվ­րագ­լո­բա­լիստ­նե­րի կող­մից պաշտ­պան­ված հա­մա­րել: Միայն թե, օ­րի­նակ, կա նման տհաճ դե­տալ. թեեւ Նի­կո­լը Ս­թար­մե­րի հետ ռազ­մա­վա­րա­կան գոր­ծըն­կե­րութ­յան պայ­մա­նա­գիր կնքեց, բայց ա­հա, նույն Ս­թար­մե­րի ղե­կա­վա­րած իշ­խող Լեյ­բո­րիս­տա­կան կու­սակ­ցութ­յու­նը նա­խօ­րեին կա­տաստ­րո­ֆիկ պար­տութ­յուն կրեց Բ­րի­տա­նիա­յի տե­ղա­կան ինք­նա­կա­ռա­վար­ման մար­մին­նե­րի ընտ­րութ­յուն­նե­րում` միան­գա­մից կորց­նե­լով 1496 տեղ: Ու հի­մա, դա­տե­լով, օ­րի­նակ, BBC-ի գնա­հա­տում­նե­րից, Ս­թար­մե­րին այլ բան չի մնում, քան հրա­ժա­րա­կա­նը: Փո­խա­րե­նը Նայ­ջել Ֆա­րա­ջի ա­ջա­կողմ­յան «Reform UK» կու­սակ­ցութ­յու­նը ստա­ցավ 1451 նոր ման­դատ, ին­չը ծանր հար­ված է եվ­րագ­լո­բա­լիստ­նե­րի հա­մար: Եվ որ այս մի­տում­նե­րը տա­րած­վե­լու են ողջ ԵՄ­–ով մեկ, այ­սինքն, որ բո­լոր այն լի­դեր­նե­րը, ո­րոնց Նի­կո­լը բե­րել էր Հա­յաս­տան, եւ ո­րոնք նաեւ բուռն խա­ղե­րի մեջ են Զե­լենս­կու հետ, աչ­քի ա­ռաջ մղվում են քա­ղա­քա­կան օ­րա­կար­գից դուրս, նոր տեսք է հա­ղոր­դում ինչ­պես Նի­կո­լի եվ­րո­պա­կան նկրտում­նե­րին, այն­պես էլ Մոսկ­վա­յից ե­կած մե­սիջ­նե­րին: Ընդ ո­րում, ան­կախ այն բա­նից` Նի­կո­լը կկա­րո­ղա­նա՞ եւս մեկ ան­գամ վար­չա­պե­տի ա­թո­ռը զավ­թել, թե` ոչ:

Չ­նա­յած, ե­թե Հա­յաս­տա­նի թե­ման մա­յի­սի վեր­ջե­րին, այն է` ընտ­րութ­յուն­նե­րից հաշ­ված օ­րեր ա­ռաջ մտնի ԵԱՏՄ­–ի օ­րա­կարգ, հա­յաս­տան­յան բիզ­նե­սից (այդ թվում` Նի­կո­լի թի­մում գտնվող) սկսած մին­չեւ շար­քա­յին «խո­պան­չի­նե­րը» պարզ տես­նեն, թե նի­կոլ­յան կուրսն ուր է հասց­նե­լու, ա­պա դա եւս կա­րող է շատ լուրջ մե­սիջ դառ­նալ հա­յաս­տան­յան ա­մեն մի ընտ­րո­ղի հա­մար:

Տե´ս նաեւ https://t.me/iravunk/66958 

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել