Ֆինանսավորում ասելով` գուցե նկատի է ունեցել, օրինակ, մեկ անգամ ջուր է ուղարկել ցույց իրականացնողների համար. Քրիստինե Վարդանյան

«Ուժեղ Հայաստան» կուսակցություն հիմնադիր, գործարար Սամվել Կարապետյանը վերջերս իր ասուլիսի ժամանակ ասաց, որ ֆինանսավորել է 2021-2022 թվականներին անցկացվող բոլոր ընդդիմադիր հավաքները: Թե ինչի մասին է խոսքը, «Իրավունք»-ը փորձեց ճշտել ՀՀ ԱԺ «Հայաստան» խմբակցության պատգամավոր ՔՐԻՍՏԻՆԵ ՎԱՐԴԱՆՅԱՆԻՑ, քանի որ այդ տարիներին նաեւ «Հայաստան» դաշինքն ու մասնավորապես՝ ՀՅԴ-ն էին կազմակերպում բողոքի ակցիաներ:

— Նախ ինչպե՞ս կգնահատեք դեռեւս նոր մեկնարկված նախընտրական քարոզարշավը, արդյոք հավասար պայմաններ են ստեղծված իշխող ուժի եւ մյուս կուսակցությունների միջեւ:

— Քարոզարշավը դեռեւս լավ է անցնում: Սա առիթ է` մարդկանց հետ շփվելու: Իսկ ինչ վերաբերում է հավասար պայմաններին, ապա ասեմ, որ չեն կարող հավասար պայմաններ լինել, երբ կա մի ուժ, ով մասնակցում է քարոզարշավին՝ տիրապետոլով եւ օգտագործելով ողջ վարչական ռեսուրսը: Նաեւ անհասկանալի է՝ հաշվետվություն ներկայացնում է, թե՝ ոչ: Օրինակ, ես չգիտեմ՝ այդ դրոնների շոուները, որ իրականացվում են, այդ ծախսերը, որոնք կատարվում են, ի՞նչ չափի գումարի մասին է խոսքը: Արդյոք այդ ծախսերը կարող են նախըտրական սահմանափակ բյուջեի մեջ տեղավորվել, թե՝ ոչ: Բազմաթիվ դեպքեր կան, երբ լրագրողներն են ահազանգում, որ նախընտրական շրջանում բարեգործության դեպքեր են գրանցվել վարչական ղեկավարների կողմից: Այս փաստերը կան: Էլ չասած ամենօրյա ռեժիմով ձերբակալությունները, կալանավորումները: Այս մթնոլորտում է ընթանում քարոզարշավը, որը հավասար պայքար անվանելը դժվար է:

— Սամվել Կարապետյանը վերջերս հայտարարեց, որ նա մշտապես օգնել եւ աջակցել է վերջին տարիներին անցկացվող ընդդիմադիր բոլոր հանրահավաքները, ակցիաները: Որեւիցե ֆինասնսավորում ունեցե՞լ եք Դուք եւ Ձեր կուսակցությունը նրանից:

— Այդ հարցին չեմ կարող պատասխանել, որովհետեւ կապ չեմ ունեցել շարժումների ֆինանսական մասի հետ եւ երկրորդ՝ չգիտեմ` նա ինչ է նկատի ունեցել: Ֆինանսավորում ասելով՝ գուցե նկատի է ունեցել , որ օրինակ մեկ անգամ ջուր է ուղարկել ցույց իրականացնողների համար: Նմանատիպ բան բազմաթիվ գործարարներ իրականացրել են: Իրեն է պետք հարցնել, թե ինչ ֆինանսի մասին է խոսքը: Եթե Սամվել Կարապետյանն ավելի կոնկրետացնի, այդ մասով պատասխանատուներն էլ կկարողանան պատասխան տալ:

ՆԱՆԱ ՍԱՐԳՍՅԱՆ

Այս թեմայով Վլադիմիր Վարդանյանը դարձավ ՍԴ նախագահ, ընտրությունը կայացել Երբ աթոռն ու շիշը ԱԺ-ում վերածվում են ԱԹՍ-ի․ ԶԱՐՄԱՆՔ Բա ընկեր Աղվանի պարտքը Նարեկի կողքին լինելը չէ՞ր Հրատապ քայլեր ձեռնարկել` Արթուր Վարդանյանին պատժի հետագա կրումից ազատելու համար․ փաստաբանն ահազանգում է 12-ամյա երեխան Երևանի թիվ 98 հիմնական դպրոցում պարբերաբար ենթարկվում է բուլինգի և ծեծի, ստացել է ցնցումներ, սալջարդ. Վարդանյան