Համակարգը խիստ ծանրաբեռնված է աշխատում. ԳԹԿ–ն արձագանքել է դիմորդների բողոքներին

Բազմաթիվ դիմորդներ չեն կարողանում մուտք գործել Գնահատման և թեստավորման կենտրոնի dimord.am կայքէջ` լրացնելու ընդունելության դիմում–հայտը։ Այդ մասին դիմորդներն իրենց դժգոհությունը հայտնել են ՀՀ ԿԳՄՍ նախարար Ժաննա Անդրեասյանի ֆեյսբուքյան գրառման տակ։

Նրանցից ոմանք նշել են, որ թեև բուհերի ընդունելության միասնական և ներբուհական քննությունների 2-րդ՝ հիմնական փուլի հայտագրման վերջնաժամկետը լրանում է մայիսի 10–ին ժամը 18։00–ին, սակայն մայիսի 9–ի լույս 10–ի գիշերն արդեն իսկ համակարգը փակվել է ու չեն կարողացել լրացնել դիմումը։

Գնահատման և թեստավորման կենտրոն մամուլի քարտուղար Խաչանուշ Գրիգորյանը Sputnik Արմենիայի հետ զրույցում նշեց, որ համակարգի խափանման պատճառը խիստ ծանրաբեռնվածությունն է։

«Շատ դիմորդներ հայտագրումը հետաձգում են մինչև վերջին օրը։ Ես հասկանում եմ պատճառը` իրենք հետևում են շարժին, դիմորդների թվին, որ մասնագիտությամբ քանի դիմորդ է դիմում, փորձում են կողմորոշվել, գնահատել իրենց շանսերը և այդ պատճառով թողնում են վերջին պահին։ Արդյունքում համակարգը չի դիմանում, ինչպես այս անգամ եղավ»,– նշեց նա։

ԳԹԿ–ից հավաստիացնում են, որ հայտագրման ցանկություն ունեցող որևէ դիմորդ խնդրի առաջ չի կանգնի և չի լինի այնպես, որ որևէ դիմորդը չհասցնի գրանցվել։

«Մենք բոլորին հնարավորություն կտանք հայտագրվելու։ Գուցեև լրացուցիչ հայտարարություն լինի այդ մասին, բայց խուճապի մատնվել պետք չէ։ Այս պահին համակարգը գործում է ու գործում է խիստ ծանրաբեռնված։ Եթե մեկ անգամից չի ստացվում գրանցվել, թող կրկին անգամ փորձ կատարեն»,– ընդգծեց Գրիգորյանը

Այս թեմայով Կիևը կրկին զանգվածային հարձակման տակ է Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ Անկախության տոնի առթիվ փակ փողոցներ են լինելու․ ՆԳՆ-ն մանրամասներ է հայտնել Այո՛, պաշտոնյան գրիչ էլ պիտի նվեր չստանա, իրեն պետք է, թող գնա, առնի, սա է ճիշտը. Փաշինյան