ԵՄ-ն Հայաստանը ցանկանում է դարձնել հերթական գործիքն՝ ընդդեմ Ռուսաստանի. Բալասանյան

Երեւանում անցկացված Եվրոպական քաղաքական համայնքի 8-րդ գագաթնաժողովը հայաստանյան հանրային ու փորձագիտական դաշտում առաջացրեց հակասական գնահատականներ։ Թեեւ իշխանությունները այն ներկայացնում են որպես Հայաստանի միջազգային հեղինակության բարձրացման եւ եվրոպական ներգրավվածության խորացման կարեւոր փուլ, ԵՊՀ միջազգային հարաբերությունների եւ դիվանագիտության ամբիոնի դոցենտ, միջազգայնագետ ԳՐԻԳՈՐ ԲԱԼԱՍԱՆՅԱՆի գնահատմամբ՝ որեւէ կարեւոր ու կոնկրետ արդյունք չի եղել:

— Ամենակարեւոր հարցին պատասխան չտրվեց՝ ե՞րբ է կանգ առնելու Ադրբեջանի կողմից Հայաստանի բռնազավթումը: Մինչդեռ Ադրբեջանը շարունակում է առաջ տանել Հայաստանը «Արեւմտյան Ադրբեջան» դարձնելու իր ծրագիրը՝ Եվրոպայի լուռ հայացքի ներքո: Դա դավաճանություն է եվրոպացիների կողմից: Նիստին մասնակցում էին նաեւ Ուկրաինայի եւ Մոլդովայի ղեկավարները: Դա նշանակում է, որ Եվրոպական միությունը Հայաստանը ցանկանում է դարձնել գործիք կամ հերթական գործիքն՝ ընդդեմ Ռուսաստանի: Այն, ինչ չհաջողվեց անել Վրաստանի պարագայում, փորձ է արվում անել Հայաստանի դեմքով: Եվրոպական միությունը ձգտելու է Հայաստանը երկրորդ ճակատ դարձնել Ռուսաստանի համար: Սա բոլորովին չի բխում մեր շահերից: Բացի այդ, սրա արդյունքում Ռուսաստանը դադարեցնելու է նաեւ իր տնտեսական բոլոր կապերը Հայաստանի հետ: Եվրոպացի չինովնիկների ծափահարությունները եւ գովեստի խոսքերը Փաշինյանի հասցեին լավ տեղ չեն տանում: Հայաստանի ազգաբնակչությունն իր վրա է զգալու դրա բոլոր հետեւանքները:  Ռուսաստանի կողմից բոլոր տնտեսական կապերի խզումը հանգեցնելու է նրան, որ մենք չենք ունենալու գազ, չեն լինելու դրամական փոխանցումներ, չի լինելու առեւտուր եւ ամենակարեւորը՝ չի լինելու աշխատանք եւ աշխատատեղեր: Սրանով շեշտակի բարձրանալու է աղքատության մակարդակը մեր երկրում:

ՀՐԱՆՏ ՍԱՐԱՖՅԱՆ

Այս թեմայով Թող Հայաստան-Ռուսաստան հարաբերությունները եղբայրական լինեն, չուզողն էլ մենք լինենք (ԱՆՈՆՍ) Ֆաշիզմի նոր դրսեւորումներ․ ի՞նչ է կատարվում Արեւմուտքում «Հրապարակ»․ «Սուրբ Գրիգոր Լուսավորիչ» բժշկական կենտրոնի ծննդատանը նորածին է մահացել Կրոնական հենքի վրա ռազմաքաղաքական դաշինք է ձեւավորվում ընդդեմ Իրանի Հայտնաբերվել է զինծառայող Գրիգոր Զաքարյանի դին՝ հրազենային վնասվածքով