Հայկական երգ ու պար, պատմություն ու ոգի՝ N78 դպրոցի բեմում

Հ. Հայրապետյանի անվան N78 հիմնական դպրոցում շարունակվում են պահպանվել և սերունդներին փոխանցվել հայկական դպրոցի լավագույն ավանդույթները՝ դաստիարակելով ազգային արժեքներին հավատարիմ, հայեցի մտածողությամբ ու հայրենասիրությամբ լի երիտասարդներ։

Տարրական դպրոցի ավարտական հանդիսության ընթացքում 4-րդ «գ» դասարանի աշակերտները բեմականացրին հայ ժողովրդի պատմության կարևորագույն դրվագներն ու մարմնավորեցին հայոց մեծերին և ազգային հերոսներին։ Փոքրիկները հանդիսատեսին ներկայացան որպես Հայկ Նահապետ, Սասունցի Դավիթ, Մեսրոպ Մաշտոց, Կոմիտաս, հայոց թագավորներ, Հովհաննես Թումանյան և այլ նշանավոր գործիչներ։

Աշակերտներն աչքի ընկան մաքուր գրական հայերենով, արտահայտիչ խոսքով, ինչպես նաև հայկական երգերի ու ազգային պարերի բարձր մակարդակի կատարմամբ՝ արժանանալով հանդիսատեսի ջերմ ծափողջույններին։

Դպրոցի տնօրեն Հ. Համբարձումյանը և ծնողները բարձր գնահատեցին դասղեկ Ռիմա Սարգսյանի նվիրված աշխատանքը՝ ընդգծելով, որ նման միջոցառումները ոչ միայն ամփոփում են տարրական կրթության կարևոր փուլը, այլև երեխաների մեջ ամրապնդում ազգային ինքնագիտակցությունն ու սերը հայրենի մշակույթի նկատմամբ։

Հանդիսության ավարտին աշակերտներին մաղթվեցին նորանոր հաջողություններ, գիտելիքների ձեռքբերում և վստահ քայլեր արդեն միջին դպրոցում։

Այս թեմայով ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Նիկոլ Փաշինյանն անդրադարձել է դպրոցները փակելու մասին խոսույթին և կլաստերային դպրոցների անհրաժեշտությանը Ատեստավորում չանցած ուսուցչին արգելելու ենք աշխատել դպրոցում, որոշումը կայացրել ենք. Նիկոլ Փաշինյան Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները