«Ժողովուրդ». Ինչպես կսկսեն քաղաքական ուժերն իրենց արդեն փաստացի սկսված քարոզարշավը

«Ժողովուրդ» օրաթերթը գրում է. «Մայիսի 8-ին Հայաստանում պաշտոնապես մեկնարկում է Ազգային ժողովի 2026 թվականի ընտրությունների նախընտրական քարոզարշավը, որը կշարունակվի մինչև հունիսի 5-ը ներառյալ։

ԿԸՀ-ի հաստատած ժամանակացույցով՝ քաղաքական ուժերը հենց այդ օրվանից ստանում են օրենքով սահմանված հավասար քարոզչական ռեժիմը՝ հանրային եթերաժամից մինչև հրապարակային հանդիպումների պաշտոնական մեկնարկ։

Այս պահի դրությամբ քաղաքական ուժերի մեծ մասի կողմից մայիսի 8-ի մեկնարկային օրվա ամբողջական ծրագրերը դեռ հրապարակային չեն դարձել։

Սակայն արդեն կան առաջին հստակ ազդակները, թե ինչպես է բացվելու քարոզարշավը։

Իշխանական ՔՊ կուսակցությունը Նիկոլ Փաշինյանի գլխավորությամբ քարոզարշավը սկսելու են Սյունիքի մարզից։ Մեր աղբյուրները փոխանցում են, որ ՔՊ ակտիվը երկու օր անցկացնելու է Սյունիքի մարզում, բոլոր վայրերում նախատեսել են լինել, շատ ակտիվ «լայվ» քարոզարշավ իրականացնել։

Մենք տեղեկացանք, որ կրկին ավտոբուսներով են մարզ մեկնելու, ու ողջ քարոզարշավի «բեռը» իր վրա վերցնելու է Նիկոլ Փաշինյանը։

Սամվել Կարապետյանի առաջնորդած «Ուժեղ Հայաստան» դաշինքը որոշել է մայիսի 8-ին, 19:00-ին, Հաղթանակի զբոսայգում մեծ միջոցառում իրականացնել, որտեղ պետք է ելույթ ունենա նաև Սամվել Կարապետյանը՝ տեսակապով։

Մյուս քաղաքական ուժերն արդեն այսօր կհայտարարեն, թե որ մարզից կամ մայրաքաղաք Երևանի որ վարչական շրջանից կմեկնարկի իրենց նախընտրական քարոզարշավը։ Մեր տեղեկություններով՝ նաև քարոզարշավի վերջում իշխանությունները նպատակ ունեն Հանրապետության հրապարակում մեծ հանրահավաք իրականացնել»։

Առավել մանրամասն թերթի այսօրվա համարում

Այս թեմայով ՌԴ ԱԳՆ-ն կոչ է արել օտարերկրյա իշխանություններին` տարհանել իրենց քաղաքացիներին Կիևից (Տեսանյութ) Կիեվը եւ Եվրոպան էսկալացիայի իրենց քայլն արել են, հերթը Մոսկվայինն է Ռուս փորձագետներն արդեն բացահայտ են Ալիեւին մեղադրում` Ադրբեջանի տարածքից ուկրաինական անօդաչուներով Ռուսաստանի հարվածելու մեջ Երեւանում Զելենսկու տված խոստումն արդեն իսկ խախտված է Ալիևն այսօր տեսակապի միջոցով կմիանա Երևանում ընթացող Եվրոպական քաղաքական համայնքի ութերորդ գագաթնաժողովին