Թրամփը նորից ինքն իրեն «սխալ հանեց»

Այն տպավորությունն է, որ ԱՄՆ-ում աջ ձեռքը լավ չգիտի, թե ձախն ինչ է անում: Ամեն դեպքում, այն բանից հետո, երբ պետքարտուղար Ռուբինոն ազդարարեց, թե «մենք այժմ սկսել ենք «Ազատություն նախագիծ» գործողությունը», Թրամփը հայտարարեց, որ` «Ազատության նախագիծը» դադարեցված է:

Թրամփն ընդամենը երկու օր առաջ էր օրակարգ բերել «Ազատության նախագծի» գաղափարը, որը, նրա պնդմամբ, մեկնարկել էր Հորմուզի նեղուցով նավերի անցումն ապահովելու համար։

Ու հինա նա գրում է.

«Պակիստանի և այլ երկրների խնդրանքով և հաշվի առնելով Իրանի դեմ գործողության մեջ մեր ունեցած նշանակալի ռազմական հաջողությունը և իրանցի պաշտոնյաների հետ լիարժեք և վերջնական համաձայնագրի հասնելու ուղղությամբ մեր գրանցած շատ լավ առաջընթացը, մենք փոխադարձաբար համաձայնության ենք եկել.

Շրջափակումը առայժմ մնում է լիարժեք ուժի մեջ, բայց «Ազատության նախագիծը» (նավագնացության երթևեկությունը Հորմուզի նեղուցով) ժամանակավորապես կասեցված է՝ տեսնելու համար, թե արդյոք կարող է վերջնական համաձայնագիր կնքվել և ստորագրվել»։

Միայն թե «Ազատության նախագծի» արդյունքում.

Մի քանի հրթիռային հարվածներ ստացան ամերիկյան ռազմանավը,

խոցվեցին Հորմուզի նեղուցն անցնել փորձող մի քանի բեռնատար նավեր, որոնք հավատացել էին, որ ԱՄՆ-ն անցումը բացել է,

խոշոր հարձակման ենթարկվեց ԱՄԷ-ի Ֆուջեյրա նավահանգստը,

բենզինի գների նոր աճ արձանագրվեց ԱՄՆ-ում։

Ու եթե ընդամենը մեկ օր առաջ Թրամփը 24 ժամ էր տալիս Իրանին` պայմանավորվածության հասնելու համար, հիմա այդ ժամանակը հասավ երեք շաբաթի:

Այս թեմայով Թրամփը վերջին րոպեին չեղարկեց հուսիթների վրա հարձակումը. The New York Times Կիևի մոտակայքում նորից խոշոր հրդեհ է Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թրամփը կրկին պահանջել է, որ Զելենսկին դադարեցնի ռուսական նավթավերամշակման գործարաններին հարվածները. Axios Թրամփը ստորագրեց «դժոխային պատժամիջոցների» օրենքը Ռուսաստանի դեմ