Չնայած համատարած պատերազմներին, գերհարուստ մարդկանց թիվն ավելանում է աննախադեպ տեմպերով

Ըստ մի շարք մասնագիտական գնահատումների, վերջին հինգ տարիների ընթացքում ամբողջ աշխարհում գերհարուստ մարդկանց թիվը 551 435-ից աճել է մինչև 713 626, կամ 29%-ով։ Միացյալ Նահանգները կազմում են ընդհանուր աճի ավելի քան 40%-ը, որին հաջորդում է Չինաստանը։ Չնայած պատերազմին, Ռուսաստանում միլիարդատերերի թիվը նույնպես աճում է արագացված տեմպերով, և նրանք հարստանում են, ինչպես որ գերհարուստների և մնացած աշխարհի միջև եկամտի տարբերությունը արագորեն աճում է։

Ավելանում է նաեւ ամենահարուստների պաշտոնական կապիտալը: Այսինքն, եթե դեռ մի 10 տարի առաջ աշխարհի ամենահարուստ մարդկանց ունեղվածքը գնահատվում է 100 միլիարդ դոլարի կարգերում, հիմա արդեն թիրախը տրիլիոնն է:

Դա վերաբերում է նաեւ, այսպես ասենք, միջին երկրներին: Օրինակ Թուրքիայում այն անհատների թիվը, որոնց կարողությունը գերազանցում է 30 միլիոն դոլարը, վերջին հինգ տարիների ընթացքում աճել է մոտ 93.5%-ով՝ 2174-ից հասնելով 4208-ի։ Կանխատեսվում է, որ մինչև 2031 թվականը այս թիվը կաճի 13%-ով՝ հասնելով 4,772-ի։ Նույն ամսաթվին երկրում միլիարդատերերի թիվը նույնպես կաճի 31%-ով՝ 35-ից հասնելով 46-ի։ 

Այսպիսով, «տարօրինակ» պատկեր է ստացվում: Ողջ աշխարհում պատերազմներ են, տնտեսական ճգնաժամեր, որոնց ծանրության տակ անգամ ամենահզոր երկրիներն են «ճռռում»: Նույն ԱՄՆ-ում, օրինակ, պետության պարտքը մոտենում է 32 տրիլիոն դոլարին: Ահա այդ ֆենին հարուստները շաչրունակում են հարստանալ եւ շատ ավելի արագացված տեմպերով: Այստեղ պարզագույն հարցից չես խուսափի. նման չէ՞ նրան, որ այսօրվա բոլոր պատերազմները մղվում են հենց էլիտաներին ավելի հարստացնելու համար, իսկ աղքատները ավելի ու ավելի են զրկվում իրենց իրավունքներից։ 

Արդյունքում, «ոսկե միլիարդի» սցենարն իրականություն է դառնում աչքի առաջ. բնակչությունը պետք է կրճատել մինչև իրենց անհրաժեշտը։

Կհաջողվի՞։ Ինչո՞ւ ոչ, երբ ամենուր պատերազմներ են ու վերջը չի երեւում: 

Այս թեմայով Փաշինյանը նպատակ ունի կտրել թաղման նպաստները Իրանի հետ պատերազմում ԱՄՆ-ի կորուստները հասել են «պատմականորեն աննախադեպ մակարդակի» ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով «Փաստ». Չեն կարող առանց մարդկանց կյանքը դժոխքի վերածելու Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել