Իրանը ներկայացրել է իր նոր պայմանները պատերազմն ավարտելու համար

Թեհրանը Վաշինգտոնին է ներկայացրել 14 կետից բաղկացած խաղաղության ծրագիր՝ ի պատասխան պատերազմը դադարեցնելու առաջարկի, հաղորդում է «Թասնիմ» լրատվական գործակալությունը։

Իրանը պահանջում է հիմնական հարցերի լուծում 30 օրվա ընթացքում։ Իսլամական Հանրապետությունը նաև պահանջել է իր արտասահմանյան ակտիվների ապասառեցումը և պատժամիջոցների վերացումը։

«ԱՄՆ-ն առաջարկել է երկամսյա հրադադար, սակայն Իրանը պնդում է, որ հարցերը լուծվեն 30 օրվա ընթացքում՝ ուշադրությունը հրադադարի երկարաձգումից տեղափոխելով պատերազմի լիակատար դադարեցման վրա», - նշվում է հրպարակման մեջ։

Այլ պահանջների թվում են Հորմուզի նեղուցի շրջափակման դադարեցումը և այնտեղ նավագնացության համար «նոր մեխանիզմի» ստեղծումը, ռազմական ագրեսիայի դադարեցման երաշխիքները, փոխհատուցումների վճարումը և ամերիկյան ուժերի դուրսբերումը «իրանական ծայրամասից»։

Սա հերթական անգամ հաստատում է, որ Իրան-ԱՄՆ բանակցությունները ոչ թե ինչ-որ կետում սառել-մնացել են, այլ ունեն կուլիսային միանգամայն ակտիվ ընթացք:

Դոնալդ Թրամփը շտապել է իր ոճով արձագանքել Իրանի նոր փաթեթին` հայտնելով, որ շուտով կծանոթանա ծրագրին, բայց... այն ընդունելի չի համարում. «Ես շուտով կվերանայեմ Իրանի կողմից մեզ ուղարկված ծրագիրը, բայց չեմ կարող պատկերացնել, որ այն ընդունելի կլինի, քանի որ նրանք դեռևս բավականաչափ բարձր գին չեն վճարել այն բանի համար, ինչ արել են մարդկությանը և աշխարհին վերջին 47 տարիների ընթացքում: Շնորհակալություն այս հարցի նկատմամբ ձեր ուշադրության համար»:

Այս թեմայով Ucom-ի աջակցությամբ AI տեսախցիկ է տեղադրվել բնության պահպանության համար «Ժողովուրդ». Լենա Նանուշյանի նոր ձախողումների շարքը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը «Ալ Արաբիա». ԻՀՊԿ-ի փորձագետները ժամանել են Բաբ էլ-Մանդեբի նեղուցի հատված՝ պաշտպանական համակարգեր կառուցելու համար Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար