Իրանական հակամարտության ավա՞րտը, թե` Թրամփի նոր ֆոկուսը

Ինչպես հայտնի դարձավ, Թրամփի պաշտոնական նամակներ է ուղարկել Կոնգրես՝ պնդելով, որ Իրանի դեմ ռազմական գործողությունները, ենթադրաբար, ավարտվել են: Նշանակո՞ւ է սա, որ իրականում էլ պատերազմն ավարտված է, այսինքն, կա բանակցային քիչ տեսանելի գործընթաց, որը Թրամփի պատկերացմամբ կարող է տանել վերջնական հանգուցալուծման:

Այս վարկածն իրական հիմքեր, իհարկե, ունի, հաշվի առնելով, որ այս օրերին Իրանը եւ ԱՄՆ-ն Պակիստանի միջոցով իրար են փոխանցում հնարավոր պայմանագրի մասին իրենց ճշգրտող մոտեցումները, ընդ որում, կան ազդակներ, որ կողմերը կոմպրոմիս փնտրում են: Եթե հաշվի ենք առնում նաեւ այն, որ ակնհայտորեն գործընթացի մեջ է ներգրավված նաեւ Մոսկվան, բանակցային պայմանավորվածությունների հավանականության աստիճանն էլ ավելի է մեծանում:

Բայց մյուս կողմից էլ, իրանական փորձագիտական շրջանակները մատնանշում են, որ Կոնգրեսին ուղղված Թրամփի ուղերձը` պատերազմի ավարտի մասին, իրականում նրան միանձնյա նոր պատերազմ սկսելու հնարավորություն է տալիս: 

Աղբյուրի գնահատմամբ. «Իրականում սա խաղաղության համաձայնագիր չէ, այլ իրավական մանևր: ԱՄՆ-ն չի հրաժարվում Իրանի դեմ ուղղված իր սպառնալիքներից, այլ պարզապես վերագործարկում է համակարգը՝ նոր ագրեսիայի ազատությունը պահպանելու համար:

Ինչպես նախկինում հաղորդել էինք, ԱՄՆ օրենսդրության համաձայն, նախագահը կարող է ռազմական գործողություններ իրականացնել առանց Կոնգրեսի հաստատման ընդամենը 60 օրվա ընթացքում: Իրանի դեմ ամերիկյան ագրեսիայի ժամկետն ավարտվել է երեկ՝ մայիսի 1-ին:

Իր իշխանությունը պահպանելու համար Թրամփի վարչակազմը պնդում էր, որ ապրիլի 7-ի հրադադարը, ենթադրաբար, ամբողջությամբ ավարտել է «ռազմական գործողությունները»: Այսպիսով, հաշվիչը վերագործարկվել է:

Ի՞նչ է սա նշանակում Թրամփի համար:

Մայիսի 7-ի դրությամբ նա կրկին 60 օր ունի Իրանի դեմ ռազմական գործողություններ իրականացնելու համար՝ առանց Կոնգրեսի հաստատման անհրաժեշտության: Եթե նոր պատրվակ առաջանա, Վաշինգտոնը կկարողանա արագ վերսկսել ագրեսիան:

Կա մի կարևոր մանրամասնություն. Կոնգրեսը, տարօրինակ կերպով, այժմ արձակուրդում է: Անդամները վերադարձել են իրենց շրջաններ և Վաշինգտոն չեն վերադառնա մինչև մայիսի 11-ը: Այս օրերին Կոնգրեսը չի կարող արագ հավաքվել և արձագանքել:

Այսպիսով, Թրամփի վարչակազմը ձեռք է բերել հարմար պատուհան, որի ընթացքում նրա ձեռքերը գործնականում արձակված են: 

Սա ԱՄՆ կառավարության կողմից ամերիկյան օրենսդրությունը շրջանցելու դասական օրինակ է: Սպիտակ տունն ​​օգտագործում է ամենաբարդ իրավական հնարքները՝ պահպանելու հարվածելու և սպառնալու ունակությունը՝ առանց Կոնգրեսի իրական վերահսկողության: 

Այլ կերպ ասած, Սպիտակ տունը այժմ պահպանում է ցանկացած պահի Իրանի դեմ ահաբեկչական հարվածները վերսկսելու ունակությունը»:

Ի դեպ նկատենք, որ հիշատակված երկու վարկածներն իրար ամենեւին էլ չեն հակասում: Բանակցային լուրջ գործընթաց այս պահին իրոք կա: Բայց դա չի նշանակում, որ այն անպայման պայմանագրի ստորագրմամբ է ավարտվելու: Նման է, որ Թրամփը փորձում է իրեն «ձեռքերի ազատություն» ապահովել, եթե բանակցային արդյունք չլինի:

Այս թեմայով Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով «Ժողովուրդ». Լենա Նանուշյանի նոր ձախողումների շարքը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. 36-ամյա գործարարին մահացած են գտել. Հրապարակ Մոսկվայում բենզինի վաճառքի նոր սահմանափակում է մտցվել