Մուստաֆաևի հետ հանդիպմանը մասնակցել է Խաչատուր Սուքիասյանի «Ran Oil»-ի տնօրեն Բորիս Հովհաննիսյանը

Հայաստան ժամանած ադրբեջանական պատվիրակության ղեկավար, Ադրբեջանի փոխվարչապետ Շահին Մուստաֆաևը քիչ առաջ դուրս եկավ Աղվերանի Apricot հյուրանոցից, կադրերը ֆիքսել է 24News-ի նկարահանող խումբը։

Շարասյան մեջ նկատվել է նաև Ազգային ժողովի պատգամավոր, գործարար Խաչատուր Սուքիասյանի ընտանիքին պատկանող ավտոմեքենան։ Խոսքը «Mercedes» մակնիշի «S» մակնիշի թանկարժեք ավտոմեքենայի մասին է՝ 015 MT 01 համարանիշներով։

24News-ը կապ հաստատեց Խաչատուր Սուքիասյանի մամուլի խոսնակի հետ՝ հասկանալու, թե արդյոք Սուքիասյանը հանդիպե՞լ է Ադրբեջանի փոխվարչապետին։ Խոսնակը հերքեց, նշելով, որ Սուքիասյանն այդ հանդիպմանը ներկա չի եղել։

24News-ը պարզեց, որ վերը նշված պետհամարանիշով մեքենան տնօրինում է «Մեգա թրեյդ» ՍՊԸ-ին։ Նշված ՍՊԸ-ն մամուլում շրջանառվող բազմաթիվ տեղեկատվությունների համաձայն՝ Խաչատուր Սուքիասյանի ընտանիքի հետ փոխկապակցված ընկերությունից է։

Խաչատուր Սուքիասյանի խոսնակ Աննա Մկրտչյանը 24News-ի հետ զրույցում հավելեց, որ վերջինս չի մասնակցել Ադրբեջանի փոխվարչապետի հետ հանդիպմանը: Սակայն նշեց, որ մասնակցել է «Ran Oil» ընկերության տնօրեն Բորիս Հովհաննիսյանը:

Այս թեմայով Ադրբեջանի փոխվարչապետի հետ հանդիպմանը չեմ եղել, տնտեսական նոր քարտեզը տեսա, ֆանտաստիկ էր Շատ վատ է, եթե Արցախի Մայր տաճարին են վնաս տվել, դա արդեն իր գնահատականն ունի Հիմա քաղաքացին կարող է ամսական 3 անգամ խորոված ուտել. Խաչատուր Սուքիասյան Հազարավոր դոլարներ պետբյուջեից Սուքիասյանների ընկերությանը՝ պաշտոնյաներին բիզնես ջեթով տեղափոխելու համար․ «Հետք» Ոչ միայն իմ ընտանիքը, շատերը Ադրբեջանի տարածքից կօգտվեն, եթե գները հարմար լինեն. Սուքիասյան