Թրամփի բլոկադան, պարզվում է, Իրանի համար կարող է նույնիսկ օգտակար լինել

Մի շարք լուրջ փորձագիտական աղբյուրներ դեռ մինչ Իրանի դամ ամերիկյան բլոկադան էին վստահեցնում, որ դա, մեղմ ասած, Իրանը մահացու չի համարում: Ավելին, կարող է անգամ բլոկադայից որոշակի օգուտ քաղել: Եվ ահա, կարծես թե դրա պատճառները վերջապես հասկացան նաեւ արեւմտյան աղբյուրները:

Այսպես, The Wall Street Journal-ը հանկարծ կռահեց, որ Իրանն ամենեւին էլ կղզի-պետություն չէ, այսինքն, կարող է արտաքին աշխարհի հետ կապվել ցամաքով: Ընդ որում, երկաթուղային կայուն կապ ունի ինչպես Ռուսաստանի, այնպես էլ` Չինաստանի հետ: Ավելին, Չինաստանի հետ կան խոշոր կոնտեյներային բեռնափոխադրումների, ինչպես նաեւ նավթի մատակարարումների ոչ թե մշակված, այլ` գործող սխեմաներ:

Ու հիմա, ըստ աղբյուրի, Իրանը նավթի այն ծավալը, որը Չինաստան էր տեղփոխում ծովով, կփորձի տեղափոխել երկաթուղով։ Ի լրումն այն ծավալների, որոնք մինչ այս էլ էին տեղափոխվում:

Իհարկե, այստեղ խնդիրներ կան, պետք են ենթակառույցները հզորացնելու, թողունակության ավելացման հարցեր լուծել: Բայց քանի որ դա շոշափում է նաեւ Չինաստանի կենսական շահերը, այս խնդիրները կարող են շատ արագ` չինական աշխատանքային տեմպերով լուծվել: Սպասելիքը Պեկին օրական ավելի քան 2 միլիոն բարելի նավք տեղափոխելն է, որը լուծելի խնդիր է։

Ընդ որում, այստեղ կան նաեւ այլ եւ խորքային շահեր: Այդ ենթակառույցներն առանց ամերիկացիների բլոկադայի էլ պետք է ուժեղացվեին, ու հիմա լավ առիթ եղավ: Իսկ հետո այդ ողջ համակարգը կաշխատի «Մետաքսի ուղու» շրջանակներում:

Արդյունքում, երկաթուղային կապ հնարավորություն է տալիս Իրանից Չինաստան մատակարարման ժամանակը կրճատել մինչև 15 օր՝ ծովային մոտավորապես 40 օրվա փոխարեն։

Ընդ որում, Չինաստանը կարող է նաեւ վճարումներն իրականացնել կանխավ` ապագա մատակարարումների հաշվին, որն Իրանին հնարավորություն կտա այս նեղ պահին առանձնապես չնեղվել:

Փոխարենը, ԱՄՆ-ն պետք է իր նավատորմից երեք ավիակիրային խումբ պահել` բլոկադայի համար: Եվ չորրորդն էլ ուղարկում է: Ընդ որում, արդեն ԱՄՆ-ում քաջ գիտակցում են, որ բլոկադան Թրամփի հերթական բլեֆն է, դրանով նա Իրանին հաստատ ծնկի չի բերելու:

Այս թեմայով Ucom-ի աջակցությամբ AI տեսախցիկ է տեղադրվել բնության պահպանության համար Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Իրանի միջուկային զենք ստեղծելու վերջին զգուշացումը հղեց Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը