«Ժողովուրդ». Հեղուկ գազի գների նոր թռիչքը իշխանությունների բացահայտ ձախողման հերթական ապացույցն է

«Ժողովուրդ» օրաթերթը գրում է. «Երևանում հեղուկ գազի գնի հերթական թանկացումը ոչ միայն տնտեսական խնդիր է, այլև իշխանությունների բացահայտ ձախողման հերթական ապացույցը։ «Ժողովուրդ» օրաթերթը երեկ ամբողջ օրը ահազանգեր է ստացել վարորդներից․ գինը հասել է 250 դրամի՝ դառնալով հերթական հարվածը, առանց այն էլ ծանրաբեռնված քաղաքացիների համար։

Հենց այստեղ են ի հայտ գալիս ոլորտի պատասխանատուները՝ Գեղամ Գևորգյան և Գևորգ Պապոյան, որոնց գործունեությունը ավելի ու ավելի է հայտնվում հանրային քննադատության թիրախում։ Փոխանակ շուկան կարգավորելու և վերահսկելու՝ նրանք փաստացի թույլ են տվել, որ այն վերածվի անկառավարելի դաշտի, որտեղ գները որոշվում են ոչ թե տնտեսական տրամաբանությամբ, այլ անհասկանալի պայմանավորվածություններով։

Այս ամենը ոչ թե պատահականություն է, այլ համակարգային անգործության հետևանք։ Եվ երբ պաշտոնյաները լռում են կամ սահմանափակվում ձևական հայտարարություններով, այդ լռությունը ընկալվում է որպես համաձայնություն ստեղծված իրավիճակի հետ։

Ի վերջո, հարցը դրվում է կոշտ․ եթե պատասխանատու մարմինները չեն կարողանում վերահսկել կենսական նշանակության շուկաներից մեկը, ապա ինչո՞վ են զբաղված։ Եվ որքան ժամանակ պետք է քաղաքացին շարունակի վճարել այդ անգործության գինը»։

Առավել մանրամասն թերթի այսօրվա համարում

Այս թեմայով Ռուսաստանը Դնեպրոպետրովսկում ոչնչացրել է հերթական առևտրի կենտրոնը Նավթի համաշխարհային գների նոր թռիչքը դարձավ անխուսափելի. հնարավոր է 150 դոլարից անցումը Եվրոպան ստիպված է նոր ռազմավարության անցնել Մոսկվայի հարցով «Փաստ». Գազի թանկացման ծանրագույն հետևանքները Նախկին վարչապետի ընտանիքը սգում է