«Ժողովուրդ». Մրգաշենում սպանված ատամնաբույժի դեպքը խիստ մտահոգության տեղիք է տվել

«Ժողովուրդ» օրաթերթը գրում է. «Մրգաշենում սպանված ատամնաբույժի դեպքը իրավապահ համակարգում խիստ մտահոգության տեղիք է տվել։ «Ժողովուրդ» օրաթերթին հասած տեղեկությունների համաձայն՝ մի շարք մարզերի և Երևան քաղաքի իրավապահ համակարգի ղեկավար կազմը որոշել են խիստ ուշադրության կենտրոնում պահել բոլոր ագրեսիվ, աչքի ընկնող, միջադեպերի կիզակետերում հայտնված երիտասարդներին, քանի որ նրանց մասնակցությամբ դեպքերը խիստ մտահոգության տեղիք են տվել։ Ուստի հնարավոր ողբերգական դեպքերը կանխելու համար նրանց կիզակետում պահելու գործընթացը ուժեղացվել է։

Քննչական կոմիտեն մանրամասներ էր հայտնել Մրգաշենում տեղի ունեցած սպանությունից։ Ապրիլի 13-ին տեղի ունեցած սպանության դեպքի առթիվ նախաձեռնված քրեական վարույթի նախաքննության ընթացքում կատարված քննչական և օպերատիվ-հետախուզական գործողությունների և միջոցառումների արդյունքում պարզվել է, որ արարքը կատարել են եղբայրներ, որոնցից մեկն անչափահաս է։ Եղբայրները կալանավորված են։

Հավելենք, որ իրավապահ համակարգում նախնական մեկ վարկած է քննվում։ Իրավապահ համակարգից ArmLur.am-ին հայտնել էին, որ, ըստ նախնական վարկածի, խնդիրը եղել է ատամնաբույժի երիտասարդ դստեր հարցի հետ կապված։ Երիտասարդները հորը դուրս են կանչել՝ պարզաբանումներ անելու։ Արդյունքում խոսակցությունը թեժացել է ու ճակատագրական դարձել բժշկի համար»։

Առավել մանրամասն թերթի այսօրվա համարում

Այս թեմայով Ի՞նչ է նշանակում՝ ադրբեջանցի զինվորը ներթափանցի Հայաստան ու խորանա շուրջ 20 կիլոմետր, սա աբսուրդ է «Հրապարակ»․ Ատամնաբույժի սպանության մանրամասները Իրանը պարգևատրում է առաջարկել սպանված կամ գերված յուրաքանչյուր ամերիկացի զինծառայողի համար Ով է տարեց կնոջ սպանության մեջ մեղադրվող նախկին ոստիկանապետը եւ որտեղ է այժմ. Բացառիկ մանրամասներ ՍԱՐՍԱՓ. Սպանված կնոջ եղունգների տակ հայտնաբերվել է Սիսիանի նախկին ոստիկանապետի ժ/պ-ի մաշկի կտորները