Ռիկսդագում ոգեկոչվել է Հայոց ցեղասպանության զոհերի հիշատակը

Ապրիլի 23-ին Շվեդիայի խորհրդարանում՝ Ռիկսդագում, Շվեդիա–Հայաստան խորհրդարանական բարեկամության խմբի հետ համատեղ Հայաստանի դեսպանությունը կազմակերպեց Հայոց ցեղասպանության 111-րդ տարելիցին նվիրված միջոցառում, որին ներկա էին Շվեդիայի խորհրդարանի ներկայացուցիչներ, մշակութային գործիչներ, ինչպես նաև հայ համայնքի ներկայացուցիչներ, հայտնում են դեսպանությունից։

Ներկաները 1 րոպե լռությամբ հարգեցին Հայոց ցեղասպանության զոհերի հիշտակը։

Հնչեց հայկական երաժշտություն և ցուցադրվեց «Փրկության քարտեզը» վավերագրական ֆիլմը։ Ելույթներով հանդես եկան դեսպան Աննա Աղաջանյանը, Ռիկսդագի պատգամավորներ Բյորն Սյոդերը և Արին Կարապետը՝ անդրադառնալով ապագա ոճրագործությունների կանխարգելման մեր համատեղ պատասխանատվությանը։

Դեսպան Աղաջանյանն իր խոսքում ընդգծեց Հայաստանի հանձնառությունը ցեղասպանությունների ճանաչման և կանխարգելման միջազգային օրակարգին, ինչպես նաև տարածաշրջանում կայուն խաղաղության հաստատման համար հարևանների հետ հարաբերությունների կարգավորմանը։

Միջոցառման շրջանակում հարգանքի տուրք մատուցվեց նաև Շվեդիայից և Հյուսիսային Եվրոպայի այլ երկրներից Հայոց ցեղասպանության տարիներին հայ ժողովրդին աջակցություն ցուցաբերած միսիոներների հիշատակին՝ ընդգծելով, որ նրանց մարդասիրական գործունեության ժառանգությունը մինչ օրս շարունակում է ներշնչել մեզ։

Այս թեմայով Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Իսրայելի խորհրդարանում կասեցվել է Հայոց ցեղшսպшնության ճանաչման վերաբերյալ քվեարկությունը. JNS Ադրբեջանն ու Թուրքիան շարունակում են առաջ մղել արհեստածին «Արևմտյան Ադրբեջանի» թեման․ թուրքագետ Թուրքական ինքնությունը ստեղծված է այլ խմբերի հանդեպ ատելության վրա, հայերը գլխավոր դեր ունեն Լույս տեսավ Ռայմոն Հարություն Գևորգյանի «Ցեղասպանության ավարտը. Մուսթաֆա Քեմալը և ողջ մնացած հայերի ու հույների ոչնչացումը (1918–1922)» գիրքը