Չի կարելի նույն արտադրամասում միաժամանակ արտադրել ե՛ւ բելգիական թանկ շոկոլադ, ե՛ւ գոմաղբ. Աշոտյան

ՀՀԿ փոխնախագահ ԱՐՄԵՆ ԱՇՈՏՅԱՆԸ Հայաստանի երկրորդ նախագահ Ռոբերտ Քոչարյանի թիմում երկու բաղադրիչ է տեսնում՝ քարոզչական ու քաղաքական։

— Քարոզչական բաղադրիչը միշտ չէ, որ առնվազն ադեկվատ է ե՛ւ մարդկային, ե՛ւ բարոյական, ե՛ւ քաղաքական իրականությանը, քաղաքական թիմից նման խնդիրներ չեմ տեսել, հուսով եմ՝ չեմ տեսնի: Քաղաքական թիմը որակյալ քաղաքական կոնտենտ է տալիս, քարոզչական թիմը՝ քաղաքական կոնտենտ չի տալիս: Չի՛ կարելի նույն արտադրամասում միաժամանակ արտադրել ե՛ւ բելգիական թանկ շոկոլադ, ե՛ւ գոմաղբ, չի հասկացվում։ Չգիտեմ՝ իրենք մեզնից ինչ են ուզում, մենք իրենցից երկու բան ենք ուզում՝ դադարեն թիրախավորել ՀՀԿ-ին՝ Սերժ Սարգսյանին ու իմ ընկերներին, հակառակ դեպքում՝ ստանալու են պատասխաններ, երկրորդ՝ ուզում ենք, որ իրենք անցնեն խորհրդարան։ Այսինքն՝ ուզում ենք յան տան մեզնից եւ անցնեն խորհրդարան:

Ինչ վերաբերում է ՀՅԴ ԳՄ ներկայացուցիչ, «Հայաստան» խմբակցության պատգամավոր Իշխան Սաղաթելյանի՝ ընդդիմության համատեղ հանրահավաք անցկացնելու առաջարկին, ավելի լավ օր, քան մայիսի 4-ը, երբ Երեւանում անցկացվում է Եվրոպական քաղաքական համայնքի գագաթնաժողովը, դժվար է մտածել, հենց գագաթնաժողովին զուգահեռ միասնական ընդդիմադիր հանրահավաք անցկացնելը շատ տրամաբանական ու բնական կլինի։

Այս թեմայով Իշխանության հաբրգելու դեմն առնելու միակ ձևը ԵՄ կառույցների կողմից արձագանքն է, որը չկա. Լեվոն Քոչարյան Փաշինյանը բարդույթ ունի մեր ընտանիքից. Լեվոն Քոչարյան Նիկոլին ու նրա ոճի պոպուլիստին կիրթ հասարակությունը ձեռնտու չէ. Արմեն Հովասափյան «Ժողովուրդ». Որտեղ են տեղցավորել ՀՀ նախկին ԱԽՔ Արմեն Գրիգորյանին Արմեն Գրիգորյանը նոր պաշտոն է ստացել միջազգային ընկերությունում