Եվրոպական քաղաքական համայնքի գագաթաժողովը հայաստանում ընդունելը հային հայի դեմ հանել է. Նարինե Կիրակոսյան

«Էկո-մեդիա» լրագրողական ցանցի համահիմնադիր ՆԱՐԻՆԵ ԿԻՐԱԿՈՍՅԱՆԻ գնահատմամբ՝ Եվրոպական քաղաքական համայնքի (EPC) 8-րդ գագաթաժողովը Հայաստանում ընդունելը, առաջին հերթին, հային հայի դեմ հանել է նշանակում: Օրինակ, Ռուսաստանում ապրող հային՝ Ֆրանսիայում ապրող հայի, Բրիտանիայում բնակվող հային՝ Բելառուսի հայի դեմ եւ այլն։

— Ինչո՞ւ, որովհետեւ 2022 թվականին Ֆրանսիայի նախագահ Մակրոնի նախաձեռնած այս քաղաքական միավորումը Հայաստանին զրկեց Արցախից, որովհետեւ Բրիտանիան ու մյուս գրեթե 50 երկրները, որոնք, կարող է, Եվրամիության կազմում էլ չեն, բայց միացել են այդ խմբին, որ Ռուսաստանին ու Իրանին ճնշեն։ Այս EPC համայնքում ներգրավված են բոլոր հայերի թշնամի Ադրբեջանն ու Թուրքիան։ Թուրքիան 35 տարի է փակել է Հայաստանի սահմանը, Ադրբեջանն առել է Փաշինյանից Արցախը։

Ադրբեջանի ղեկավարը չի գալու Երեւանի գագաթաժողովին, Էրդողանը չի հաստատել իր մասնակցությունը։ Այս կեղծ եվրոպական քաղաքական համայնքը գազի, նավթի, էներգակիրների իր ծրագրերն ունի, որ Ռուսաստանից կախվածությունից ազատվի, Իրանն էլ դարձնի շահի ժամանակվա նման ենթարկվող կաթնատու (նավթատու)։ Փաշինյանը սրանց առաջարկում է Հայաստանը դարձնել իրենց գազի, նավթի, այլ տնտեսական շահերի համար ծառայող միջանցք։ Բայց նրանց պայմաններից մեկը` ռուսական ռազմաբազան Գյումրիից հանելն է, էներգետիկ (Էլեկտրական ցանցերը կարող են փոխանցվել թուրքական օպերատորի) համակարգը Թուրքիային հանձնելն է, Հայաստանի հանքարդյունաբերությունը ռուսական ակտիվներից վերաբաշխել ամերիկա-եվրոպական ընկերություններին։ Իսկ ի՞նչ է ստանում առանց Արցախի մնացած Հայաստանը. ադրբեջանա-թուրքական տնտեսական ստրկություն, որովհետեւ նրանց գազի, բենզինի, դիզելի ներմուծման ճանապարհն են արդեն պատրաստել եւ էթնիկ հայերի զտում, աշխատանքային միգրանտների ներկրում։ Ռուսաստանում, ԱՄՆ-ում եւ Ֆրանսիայում աշխարհի հայերի ամենամեծ համայնքներն են ապրում։ Հիմա պատկերացրեք, ինչպե՞ս է վերաբերվում Ֆրանսիայում ապրող հայը Հայաստանի տարածքը Եվրոպական քաղաքական խաղերի դաշտ սարքելու նպատակին, եւ ինչպե՞ս է վերաբերվում Ռուսաստանում ապրող հայը այն հավանականությամը, որ Հայաստան էլ չի կարողանա գալ ու գնալ առաջվա պես։ Իսկ ցավալին այն է, որ Ուկրաինայի ու Ռուսաստանի պատերազմը, որ մեկ ազգին հանեց իրար դեմ, երկար դեռ չի ավարտվի ու նմանօրինակ, ինչպես սլավոնը սլավոնի դեմ է ելել, այնպես էլ հայը հայի դեմ է կռվելու։ Իրականում Փաշինյանին արդեն դա հաջողվել է։ Առնվազն քաղաքական հակառակորդների դաշտում։

Այս թեմայով Ucom-ը շարունակում է ցանցի լայնածավալ արդիականացումը՝ ընդլայնելով 5G ծածկույթն ու բարձրացնելով կապի որակը Վրեժ Կիրակոսյանը վերընտրվել է Շառլ Ազնավուր քոլեջի տնօրեն Սեպտեմբերի 1-ին Հայաստանում կանցկացվեն թվային հեռուստատեսային հեռարձակման ցանցի պլանային աշխատանքներ «Ուժեղ Հայաստանը» դառնում է գործող կուրսի «ավելի լավ կատարողի» թեկնածու, այլ ոչ թե իրական քաղաքական այլընտրանք. Կիրակոսյան Ինչ վարկած է քննվում այս պահին. Մանրամասներ «Բոնուս» սուպերնարկետների տիրոջ գործով