Զոհված զինծառայողի լուսանկարն օգտագործվել է առանց ծնողի թույլտվության. Հերոսածին մայրը ահազանգում է

44-օրյա պատերազմում հանուն հայրենիքի փրկության կյանքը զոհաբերած հերոս Արարատ Մանյանի հերոսածին մայրիկը Վարդուհի Շահումյանը, ում արյունահոսող վերքը դեռ չի սպիացել, որոշ անձիք փորձում են այս օրերի ընթացքում էլ ավելի բորբոքել հերոս որդի կորցրած մայրիկի անասելի ցավը։ Իսկ, թե ովքեր եւ ինչպես «Իրավունքի» հետ զրույցում մանրամասն ներկայացրեց հերոսածին մայրը.

Զոհված զինծառայողի լուսանկարն օգտագործվել է առանց ծնողի թույլտվության
​Դիմում ենք ձեզ՝ բարձրաձայնելու մի խնդիր, որը վերաբերում է զոհված հերոս Արարատ Մանյանի հիշատակի նկատմամբ ոչ պատշաճ վերաբերմունքին և նրա հարազատների իրավունքների խախտմանը:

ԽՆԴՐԻ ԷՈՒԹՅՈՒՆԸ

Երևանի Չարենցի անվան հ. 67 դպրոցին կից գտնվող կիսաքանդ և անմխիթար վիճակում գտնվող ջերմատան պատին պատկերվել է Արարատ Մանյանի դիմանկարը: Լուսանկարն արվել է առանց ծնողի գիտության և թույլտվության: Հատկանշական է, որ Արարատը չի սովորել այդ դպրոցում և չի բնակվել այդ տարածքում:

​ՍՏԵՂԾՎԱԾ ԻՐԱՎԻՃԱԿԸ.

​Դպրոցի տնօրինություն. Տնօրենը հրաժարվում է մաքրել պատը՝ պնդելով, թե տեղյակ չէ, թե ով է հեղինակը, չնայած պատկերը գտնվում է դպրոցին կից տարածքում:

​Քաղաքապետարան. Երևանի քաղաքապետարանից հայտնել են, որ նմանատիպ ծրագիր չունեն և տեղյակ չեն պատկերի հեղինակից: Թեև խոստացել են լուծում տալ հարցին, սակայն որևէ հստակ ժամկետ չի նշվել:

​ՀԵՐՈՍԱԾԻՆ ՄԱՅՐԻԿԻ ՊԱՀԱՆՋԸ.

Զոհված հերոսի մայրը `Վարդուհի Շահումյանը , պաշտոնապես արգելում է իր որդու լուսանկարի օգտագործումը որևէ միջոցառման կամ որևէ վայրում պատկերելու համար՝ առանց իր նախնական համաձայնության: Մայրը պահանջում է անհապաղ հեռացնել որդու պատկերը նշված անբարեկարգ պատից: Նա նաև շեշտում է, որ իր բողոքը վերաբերում է բացառապես իր որդու լուսանկարին և որևէ առնչություն չունի կողքին պատկերված մյուս երկու հերոսների հետ, որոնց նա չի ճանաչում:
​Հորդորում ենք լրատվամիջոցներին հետևողական լինել այս հարցում՝ հարգելու զոհվածի ընտանիքի կամքն ու արժանապատվությունը:

«Իրավունքը» եւս հետեւողական է լինելու հերոսածին մայրիկի պահանջի կատարմանը եւ կանգնած է անմահացած հերոսի ոտնահարված իրավունքի կողքին։ 

Այս թեմայով Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ Փաշինյանը նպատակ ունի կտրել թաղման նպաստները ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Տուսկ. Ուկրաինան ամսական կորցնում է մոտավորապես 27000 զոհված և վիրավոր զինվոր Իրանի հետ պատերազմում ԱՄՆ-ի կորուստները հասել են «պատմականորեն աննախադեպ մակարդակի»