Մոլդովան կայուն տեմպերով առաջ է շարժվում դեպի Եվրամիությանն անդամակցում. Մարթա Կոս

Քիշնևի իշխանությունները կայուն տեմպերով առաջ են շարժվում Եվրամիությանն անդամակցելու համար անհրաժեշտ բարեփոխումների իրականացման գործում՝ չնայած արտաքին ճնշումներին և Ուկրաինայում պատերազմի հետևանքով ստեղծված լարված տարածաշրջանային իրավիճակին։ Ինչպես «Արմենպրես»-ը տեղեկանում է Moldpres-ից, այս մասին Եվրախորհրդարանի նիստի ժամանակ հայտարարել է ԵՄ ընդլայնման հարցերով հանձնակատար Մարթա Կոսը։

«Չնայած Ռուսաստանի կողմից ճնշմանը և Ուկրաինայում պատերազմի հետևանքներին ՝ Մոլդովայի Հանրապետությունը կայուն տեմպերով իրականացնում է բարձրորակ բարեփոխումներ», – ասել է Կոսը։Նա հաստատել է, որ Մոլդովայի տեխնիկական առաջընթացը գտնվում է ամենաբարձր մակարդակի վրա։«Նախորդ ամիս անդամ պետությունները մեզ տվեցին բոլոր 33 բանակցային գլուխների շուրջ տեխնիկական բանակցություններ սկսելու մանդատ: Սա մոլդովացի ժողովրդի արտակարգ ջանքերի ճանաչումն էր», – նշել է նա։

Կոսն ընդգծել է, որ Մոլդովան և Ուկրաինան առաջատարներ են կատարողականի ցուցանիշներով, մինչդեռ Արևմտյան Բալկաններում առաջընթացը մնում է դանդաղ։Կոսն իր «մտահոգությունն» է հայտնել Վրաստանում և Սերբիայում տեղի ունեցող զարգացումների վերաբերյալ, որտեղ, ըստ նրա, ժողովրդավարական նահանջը հեռացնում է այս երկրներին ԵՄ-ից, մինչդեռ Մոլդովայի Հանրապետությունը վճռական քայլեր է ձեռնարկում եվրոպական քաղաքական տարածքում ամրանալու ուղղությամբ:Հանձնակատարն իր խոսքն ավարտել է՝ կրկնելով, որ ընդլայնումը «Եվրոպական միության ամենակարևոր ռազմավարական քաղաքականություններից մեկն է», և որ Մոլդովայի Հանրապետությունը մայրցամաքում խաղաղության և կայունության այս տեսլականի էական մասն է կազմում։Մոլդովայի Հանրապետությունը Եվրոպական միությանն անդամակցելու իր դիմումը ներկայացրել է 2022 թ. մարտի 3-ին, իսկ 2022 թ. հունիսի 23-ին ստացել է թեկնածու երկրի կարգավիճակ՝ բարեփոխումները շարունակելու առաջարկով։2024 թ. հունիսի 25-ին պաշտոնապես սկսվել են անդամակցության շուրջ բանակցությունները։

2025 թ. սեպտեմբերին Մոլդովայի Հանրապետությունն ավարտել է ԵՄ-ի հետ երկկողմանի սքրինինգը՝ փուլ, որը վերլուծում է ազգային օրենսդրության համատեղելիությունը եվրոպական օրենսդրության հետ։

2025 թ. դեկտեմբերի կեսերին երկիրը սկսել է տեխնիկական քննարկումներ առաջին բանակցային գլուխների վերաբերյալ։ Քիշնևի իշխանություններն ընդգծել են, որ այս փուլը նշանավորում է անդամակցության շուրջ բանակցությունների վճռորոշ փուլը, որը կհանգեցնի Մոլդովայի Հանրապետության՝ ԵՄ-ին ինտեգրման գործընթացում ապագա առաջընթացի։

Այս թեմայով Ուժեղ Միջին միջանցք չի կարող լինել առանց Թուրքիայի․ Մարթա Կոս ԵՄ-ը նախատեսում է ակտիվացնել համագործակցությունը Ադրբեջանի, Հայաստանի և Թուրքիայի հետ. Կոս Բաց տեքստով նման խոսույթն այլեւս շատ վտանգավոր է. ԶԱՐՄԱՆՔ Մի ռեժիմ, որը քաղբանտարկյալներ է պահում, եմ-ի կողմից հավելյալ քաջալերվում է. Մամիջանյան Դրսից ԵՄ-ն փող է տալիս, որ դրսից ոչ ոք չխառնվի ընտրություններին. ԶԱՐՄԱՆՔ