Լատվիան ողջունում է Հայաստանի և Ադրբեջանի միջև խաղաղության գործընթացը

Լատվիան ողջունում է ԱՄՆ նախագահի միջնորդությամբ Հայաստանի և Ադրբեջանի միջև խաղաղության գործընթացում ձեռք բերված առաջընթացը:«Արմենպրես»-ի փոխանցմամբ՝ այս մասին հայտարարել է Լատվիայի արտաքին գործերի նախարար Բայբա Բրաժեն Անթալիայի դիվանագիտական ֆորումի շրջանակում ադրբեջանական Trend-ի հետ հարցազրույցում:

Նրա խոսքով՝ կողմերի միջև համաձայնությունները նշանակալի առաջընթաց են տասնամյակներ տևած հակամարտության ավարտի ճանապարհին։ «Լատվիան լիովին աջակցում է Հայաստանի և Ադրբեջանի միջև հարաբերությունների կարգավորման գործընթացին, որի շրջանակում մենք տեսնում ենք կողմերի շարունակական կառուցողական ներգրավվածությունը», – նշել է նա՝ հավելելով, որ կարևոր է միջազգային հանրության աջակցությունն այս գործընթացին։

«Խաղաղության համաձայնագրի վերջնական ստորագրումը զգալիորեն կնպաստի Հարավային Կովկասի տարածաշրջանի անվտանգությանը, կայունությանը և բարգավաճմանը՝ միաժամանակ նոր հնարավորություններ բացելով Եվրոպայի հետ ավելի սերտ համագործակցության համար, այդ թվում՝ փոխկապակցվածության ոլորտում», – ասել է նախարարը:

Այս թեմայով Հայաստանին զրկեցին ՀԱՊԿ-ում ձայնի իրավունքից «Հրապարակ». ՌԴ-ի հակաքայլը. Հայաստանին ոչ թե կհեռացնեն ՀԱՊԿ-ից, այլ կզրկեն ձայնի իրավունքից Իրանից Հայաստանին մատակարարված Majid AD-08 զենիթահրթիռային համակարգը նկատվել է զորավարժությունների ժամանակ (Տեսանյութ) Ալիևը հայտարարել է, որ հայկական կողմը նախկինում Ադրբեջանին «սպառնացել է» նոր պատերազմով՝ խոստանալով վերցնել նոր տարածքներ Հայաստանին պետք է հեռացնել ՀԱՊԿ-ից. Բորդյուժա