«ԸՆԿԵՐՆԵՐԻ ՀԵՏ ԿԱՏԱՂԻ ՄԱՐՏԻ Է ԴՈՒՐՍ ԵԿԵԼ ԲԱԶՄԱԿԻ ԱՆԳԱՄ ՇԱՏ ՀԱԿԱՌԱԿՈՐԴԻ ԴԵՄ». ԱՆՄԱՀ ՀԵՐՈՍ ՀԱՄԼԵՏ ԲԱԴԱԼՅԱՆ

Այսօր, ապրիլի 19-ը, Արցախյան 44-օրյա ահաբեկչական պատերազմի անմահ հերոս ՀԱՄԼԵՏ ԳԱԳԻԿԻ ԲԱԴԱԼՅԱՆԻ ծննդյան օրն է, կդառնար 25 տարեկան։ Եռաբլուր զինվորական պանթեոն են այցելել հարազատներ, ընկերներ, որդեկորույս ծնողներ, ծաղիկներ խոնարհել ու խնկարկել։

Անմահ հերոսի մայրը տիկին ԿԱՐԻՆԵ ՄԱԹԵՎՈՍՅԱՆԸ

Iravunk. com -ի հետ զրույցում, խորը ցավը սրտում պատմեց.

- «Համլետս ծնվել է 2001 թվականի այս օրը ապրիլի 19-ին, Երևանում, ստացել է միջնակարգ կրթություն։ Զինվորական ծառայության է անցել Մուղնու զորամասում, որտեղ տիրապետել է «իգլա» զինատեսակին։2019 թվականի հոկտեմբերի 25֊ին, տեղափոխվել է Մեղրի, Ագարակի զորամաս, նշանակվել զենիթահար։ Ծառայողական պարտականությունները կատարել է ճիշտ, ժամանակին ու պատշաճ մակարդակով։ Զինվորական կոլեկտիվում ցուցաբերել է ընկերասիրություն, գթասրտություն։ Բնավորությամբ զուսպ էր, հավասարակշռված, պահպանել է զինվորական բարեկրթության կանոնները։ Թանկագին որդիս, շատ մեծ պատիվ էր համարում կրել զինվորական համազգեստը, մշտապես շատ կոկիկ, մաքուր, հարդարված վիճակում։ Ֆիզիկապես առողջ էր։ Մասնակցել է չարաբաստիկ 2020 թվականի Արցախյան 44֊օրյա ահաբեկչական պատերազմին։ Հոկտեմբերի 2-ից մինչև 12֊ը, արիաբար մարտնչել է Ջրականի շրջանում, ապա հոկտեմբերի 21֊ից նոյեմբերի 1֊ը, մարտը շարունակել է Նռնաձորի շրջանում, 44 մարտական դիրքում։ Նոյեմբերի 1֊ին, զինակից ընկերների հետ կատաղի մարտի է դուրս եկել բազմակի անգամ շատ հակառակորդի դեմ։ Չցանկանալով կատարել նահանջի հրամանը, ընկերների հետ մնում է դիրքում, որպեսզի իրենց մյուս ընկերներին կարողանան դուրս բերել շրջափակումից։ Անմահացել է նույն օրը նոյեմբերի 1֊ին, հայրենիքի պաշտպանի սուրբ մահով, նրա հետ անմահացել են նաև երեք զինակից ընկերները ու 7֊ը ստացել են տարբեր աստիճանի վիրավորում։ Որքան էլ ժամանակ անցնի, ցավը մնում է ցավ ու երբեք չի սպիանում»։ Շարքային Համլետ Բադալյանը հետմահու պարգևատրվել է «Մարտական ծառայության» և «Ֆիդայապետ Անդրանիկ» մեդալներով։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ, ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով ԱՄՆ–ին կհաջողվի՞ իրանում քաղաքացիական պատերազմ հրահրել Ուկրաինայում նաեւ Սարդ-մարդուն են մոբիլիզացրել պատերազմ ուղարկելու համար (Ֆոտո) 26 ՏԱՐԻ ԱՌԱՆՑ ԽԻԶԱԽ ՀԱՅՈՐԴԻ ՎԱՐՈՒԺԱՆ ԴԱՎԹՅԱՆԻ