Մենք կառուցում ենք այլ Հայաստան՝ որտեղ մարդը արժեք է, ոչ թե եկամտի աղբյուր. Հայտնի իրավապաշտպանը վարորդին հսկիչի վերածելու մասին

Ապրիլի 6-ին Երեւանի քաղաքապետ Տիգրան Ավինյանը կոչ արեց տրանսպորտի բոլոր վարորդներին ներգրավել ուղեվճարների հավաքագրման գործընթացում։ Նա ընդգծեց, որ հավաքագրման պրոցեսին վարորդների ներգրավվածության բացակայությունն անընդունելի է։ Շեշտեց, թե հավաքագրումից է կախված արտաժամյա աշխատանքի վարձատրությունը, և որ վարորդների աշխատանքային պայմանագրերում նշված է ուղեվճարի հավաքագրման գործընթացին մասնակցելու պարտավորությունը։ Որքանո՞վ է իրավաչափ վերը նշվածը «Իրավունքը» հետաքրքրվել է հայտնի իրավապաշտպան, հանրային հնչեղությու ունեցող գործերով փաստաբան, այժմ նաեւ ԴՕԿ կուսակցության շտաբի պետ  ԼԵՎՈՆ ԲԱՂԴԱԱՐՅԱՆԻՑ.

-  Երևանի քաղաքապետ պարոն Տիգրան Ավինյան-ի կողմից հնչեցված դիրքորոշումը՝ տրանսպորտի վարորդներին պարտադրելու ներգրավվել ուղեվճարի հավաքագրման գործընթացում, ոչ միայն սխալ է, այլև իրավականորեն վտանգավոր և սոցիալապես անընդունելի։
Սա պարզապես վարչական որոշում չէ․ սա ուղիղ հարված է քաղաքացիների անվտանգությանը։
Վարորդին պարտադրել միաժամանակ
վարել տրանսպորտային միջոց և զբաղվել դրամահավաքով՝ նշանակում է նրան վերածել ռիսկի աղբյուրի։
Սա հակասում է ոչ միայն տարրական տրամաբանությանը, այլ նաև ՀՀ ճանապարհային երթևեկության անվտանգության մասին օրենք-ի պահանջներին, որոնք պարտադրում են վարորդին ամբողջությամբ կենտրոնանալ ճանապարհի վրա։
Յուրաքանչյուր վթար, յուրաքանչյուր մարդկային կորուստ այս պայմաններում դառնում է կանխատեսելի հետևանք, և այդ պատասխանատվությունը լինելու է որոշում կայացնողների վրա։
Ավելին, վարորդների աշխատավարձը կապել ուղեվճարի հավաքագրման հետ՝ նշանակում է
ստեղծել հարկադրանքի և շահագործման մեխանիզմ, ինչը հակասում է
ՀՀ աշխատանքային օրենսգիրք-ի հիմունքներին։
ՍՈՑԻԱԼԱԿԱՆ ԱՐԴԱՐՈՒԹՅԱՆ ՏԵՍԱՆԿՅՈՒՆԻՑ
Սոցիալական պետությունում անթույլատրելի է այն իրավիճակը, երբ տրանսպորտը դառնում է քաղաքացու վրա դրված բեռ։
Այսօր գործող տրանսպորտային գնացուցակը՝ ճնշում է թոշակառուներին,
սահմանափակում է ուսանողների և դպրոցականների շարժունակությունը,
խորացնում է սոցիալական անհավասարությունը
Սա է պատճառը, որ մենք հստակ արձանագրում ենք․
Վարդան Ղուկասյանի առաջնորդությամբ իշխանության գալուց հետո տրանսպորտը լինելու է՝ անվճար թոշակառուների համար,
անվճար դպրոցականների համար,
անվճար ուսանողների համար։
Եվ սա պոպուլիզմ չէ։
Ֆինանսական աղբյուրները հաշվարկված և հանրությանը ներկայացված են,
և այդ քաղաքականությունը հիմնված է ոչ թե խոստումների, այլ՝
պետական մտածողության վրա։
ԵԶՐԱԿԱՑՈՒԹՅՈՒՆ
Այսօր մեզ առաջարկվում է մի համակարգ, որտեղ
վարորդը դառնում է դրամահավաք,
քաղաքացին՝ վճարող օբյեկտ,
իսկ անվտանգությունը՝ երկրորդական։
Մենք դա մերժում ենք։
Մենք կառուցում ենք այլ Հայաստան՝
որտեղ մարդը արժեք է, ոչ թե եկամտի աղբյուր։
Վարդան Ղուկասյանի առաջնորդությամբ ձևավորվող իշխանությունը
վերականգնելու է սոցիալական արդարությունը,
ապահովելու է անվտանգությունը
և վերադարձնելու է քաղաքացուն իր արժանապատվությունը։ Այլընտրանք չկա։

Այս թեմայով Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց CSI-ն Հայաստանի իշխանություններին կոչ է անում հարգել Եկեղեցու ինքնավարությունը ՀՐԱՏԱՊ.ԴՕԿ Կուսակցության պատվավոր նախագահ Վարդան Ղուկասյանն հանգամանալից կանդրադառնա ԵԽԽՎ-ում ՀՀ ԱԺ ընտրությունների վերաբերյալ հնչած գնահատականներին Ղազախստանն Ուկրաինային կոչ է արել Սև ծովում դադարեցնել գրոհներն իրենց նավերի վրա Ինչու Կիեւի քաղաքապետ Կլիչկոյի երեխաները չեն գտնվում առաջնագծում