Մենք տեղյակ չէինք. Համագումարին ինչ խնդրի առաջ է կանգնել «Վերելք»-ը

Դեռեւս ապրիլի 12-ին կայացել է «Վերելք» կուսակցության համագումարը՝ խորհրդարանական ընտրություններին մասնակցելու օրակարգով: Թե ինչ է քննարկվել համագումարի ընթացքում, որեւէ որոշում կամ հայտարարություն կուսակցությունը չի հրապարակել, ինչի վերաբերյալ «Իրավունք»-ը մանրամասներ պարզեց «Վերելք» կուսակցության նախագահ, ՀՀ Զինված ուժերի պահեստազորի գնդապետ, քաղաքական գիտությունների թեկնածու ԱԼԵՔՍԱՆ ՄԻՆԱՍՅԱՆԻՑ:

— Ինչպե՞ս ընթացավ համագումարը եւ ինչպիսի՞ որոշում կայացվեց գալիք ընտրությունների վերաբերյալ:

— Համագումարն անցավ լավ՝ չհաշված մի խնդիր, որը մենք չենք իմացել: Մեր համար փոքր ինչ պրոբլեմատիկ հարց ծագեց, քանի որ օրենսդրության մեջ բավականին պահանջներ կային, որոնք անգամ չգիտենք՝ կհասցնենք լրացնել, թե՝ ոչ: Մենք տեղյակ չէինք, որ պետք է անպայման նույնականացման քարտով կամ էլեկտրոնային ստորագրությամբ լինի: Այսինքն՝ նմանատիպ խնդիրների առաջ կանգնեցինք: Հիմա փորձում ենք խնդիրները լուծել եւ եթե ժամանակի մեջ տեղավորվենք, ապա լավ կլինի, իսկ եթե՝ ոչ, դուրս կմնանք:

— Եթե հանկարծ չհասցնենք խնդիրները կարգավորել եւ չմասնակցեք ընտրություններին, ո՞ւմ եք սատարելու:

— Կարծում եմ՝ պետք է գտնեմ մի այնպիսի կուսակցություն, որն ազգային արժեքներով է, կմիանամ անգամ, ոչ թե միայն կսատարեմ:

— Պարոն Մինասյան, փաստորեն, հակված եք դաշինքո՞վ մասնակցել ընտրություններին:

— Ո՛չ, այդքան չենք ձգի: Միեւնույնն է, օրենքը կուսակցությունների մասով թույլ է տալիս, որ առանց իրենց ադամը դառնալու 30 տոկոս հնարավորություն ունեն այլ մարդկանց ընդգրկելու: Կարծում եմ՝ նման կերպ կանենք:

— Լինելով ՀՀ Զինված ուժերի պահեստազորի գնդապետ, ինչպե՞ս կարձագանքեք   ՔՊ-ական պատգամավոր Ադրանիկ Քոչարյանի այն հայտարարությանը, որ իր որդին չի ծառայել ՀՀ Զինված ուժերում, որովհետեւ «բարձրակարգ» է:

— Գիտեք, իմ տղաներն էլ են բարձրագույն կրթությամբ եւ լավ մասնագետներ են, բայց նրանք երկուն էլ ծառայել են: Ես այդ արտահայտությունը չեմ համարում ճիշտ:

ՆԱՆԱ ՍԱՐԳՍՅԱՆ

Այս թեմայով Էդիկ Մինասյանը տնային կալանքից ազատ է արձակվել Պուտինը սրանով փաստում է, որ վերջերս ձևավորված ԱԺ֊ի մեծամասնությանը չի համարում լեգիտիմ Հրաձիգ Հայկ Մինասյանը՝ աշխարհի չեմպիոն Ինչ որոշեց Սարիկ Մինասյանը Վերաքննիչ դատարանը մերժեց Չախալյանի հատուկ բողոքը