The Washington Post. Ռուսաստանը կարող է շուտով հարձակվել Եվրոպայի վրա

Ռուսաստանը կարող է շուտով հարձակվել Եվրոպայի վրա: Բայց ԱՄՆ աջակցությունը նման դեպքում դա խիստ կասկածելի է, գրում է Washington Post-ի սյունակագիր Դեյվիդ Իգնատիուսը՝ մեկնաբանելով Մոսկվայի վերջին սպառնալիքները՝ հարվածելու Եվրոպայում անօդաչու թռչող սարքերի արտադրության վայրերին։

Հեղինակը նշում է, որ Թրամփի կոշտ հռետորաբանությունը ՆԱՏՕ-ի եվրոպական դաշնակիցների նկատմամբ արդեն իսկ խաթարում է ԱՄՆ անվտանգության երաշխիքների նկատմամբ վստահությունը, որը, ըստ Իգնատիուսի, Ռուսաստանը կարող է օգտագործել՝ տեսնելով «հնարավորության պատուհան»։

«Եթե դուք Պուտինն եք, կարող եք սկսել մտածել հաջորդ պատերազմի մասին՝ Եվրոպայի դեմ, նույնիսկ այն ժամանակ, երբ շարունակում եք կռվել Ուկրաինայում»։ «Դուք կարող եք նույնիսկ մտածել, թե արդյոք հարվածի ժամանակը եկե՞լ է՝ նախքան եվրոպական երկրները լիովին վերազինվեն, նախքան Ուկրաինան կմշակի նոր զենքեր, որոնք կարող են հարվածել Ռուսաստանի ավելի խորը սահմաններում գտնվող թիրախներին, և մինչ ձեր ընկերը՝ նախագահ Դոնալդ Թրամփը, Սպիտակ տանը է և ՆԱՏՕ-ին վերաբերվում է որպես բռնցքամարտի պարկի», - գրում է Իգնատիուսը։

Հիշեցնենք, որ այս շաբաթ Ռուսաստանի պաշտպանության նախարարությունը, որին հաջորդեց Անվտանգության խորհրդի փոխղեկավար Մեդվեդևը, սպառնաց Եվրոպային հարվածներ հասցնել Ուկրաինային մատակարարվող անօդաչու թռչող սարքերի արտադրության օբյեկտներին։ Միևնույն ժամանակ, Ռուսաստանի Անվտանգության խորհրդի քարտուղար Շոյգուն մեղադրեց Բալթյան երկրներին` Ռուսաստանի դեմ ուկրաինական անօդաչու սարքերի հարվածների համար իրենց օդային տարածքը բացելու մեջ և սպառնաց, որ Ռուսաստանը կարող է «իրացնել ինքնապաշտպանության իր իրավունքը»։

Այս թեմայով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Թրամփը վերջին րոպեին չեղարկեց հուսիթների վրա հարձակումը. The New York Times «Միացյալ Ռուսաստանը» առաջատարն է Դումայի ընտրություններում՝ քվեաթերթիկների ավելի քան 75%-ը մշակելուց հետո Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Լավ գիտեն՝ Նիկոլը մարսողը չի. Ինչից են վախեցած Սարգսյանները