«ՄԵՆԱՄԱՐՏԻ ՄԵՋ ՄԵԾ ԴԵՐ Է ԽԱՂՈՒՄ ԱՐԱԳՈՒԹՅՈՒՆԸ». ԱՆՎԱՆԻ ԲՌՆՑՔԱՄԱՐՏԻԿ, ԵՎՐՈՊԱՅԻ ՈՒ ԱՇԽԱՐՀԻ ԳԱՎԱԹԱԿԻՐ ՆԱՐԵԿ ՄԱՆԱՍՅԱՆ

Iravunk. com -ի մարզական լրագրողը կապ է հաստատել ու զրուցել անվանի բռնցքամարտիկ, Եվրոպայի ու Աշխարհի գավաթակիր, Եվրոպայի փոխչեմպիոն, Աշխարհի առաջնության մրցանակակիր, միջազգային կարգի սպորտի վարպետ, ծնունդով Աբովյան քաղաքից ՆԱՐԵԿ ՄԱՆԱՍՅԱՆԻ հետ։

Նա հավաքականի անդամների հետ մեկնել է Բրազիլիա մասնակցելու Աշխարհի գավաթի խաղարկության առաջին փուլին։

- Ողջույն, Նարեկ, ինչպես ես պատրաստվել այս կարևորագույն ստուգատեսին։

- Ուսումնամարզական հավաքների ենք մասնակցել սկզբից Ծաղկաձորում, հետո արդեն Օլիմպավանում։ Ավելի շատ արագության համար եմ աշխատել, ինձ թվում է, որ մենամարտի մեջ մեծ դեր է խաղում արագությունը։ Այս անգամ ավելի շատ շեշտը դրել ենք հենց արագության վրա։ Ինձանից ինչ կախված է, բոլոր ուժերս, էներգիաս ներդնելու եմ, որպեսզի կարողանամ հաղթել։

- Նարեկ, տեղյակ եմ, որ այսօր ծննդյանդ տարեդարձն է, հոբելյանական 30-ամյակդ է լրանում։ Շնորհավորում ենք, մաղթում մաղթում փայլուն հաղթանակ այս կարևորագույն մրցաշարում, առողջություն երջանկություն, ամենայն բարիք։

- Շատ շնորհակալ եմ շնորհավորանքի համար։

- Նարեկ, որն ես համարում հաջողության գրավականը։

- Քրտնաջան պարապմունքները, աշխատասիրությունը։

- Այս մրցաշարում որ քաշային կարգում ես հանդես գալու։

- Քաշային կարգերի փոփոխություն է կատարվել։ Հանդես կգամ 90 կգ քաշային կարգում, նախկինում հանդես էի գալիս 92 կգ ֊ում ։Նշեմ, որ քաշ գցելը բավականին դժվար է։ Հուսով եմ ամեն ինչ լավ կստացվի։

ՀՈՎՀԱՆՆԵՍ ՍԱՐԳՍՅԱՆ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի