ԲՌՆՑՔԱՄԱՐՏԻ ՄԵԾԱՀԱՍԱԿՆԵՐԻ ՀԱՎԱՔԱԿԱՆԸ ՄԵԿՆԵԼ Է ԲՐԱԶԻԼԻԱ ՄԱՍՆԱԿՑԵԼՈՒ ԱՇԽԱՐՀԻ ԳԱՎԱԹԻ ԽԱՂԱՐԿՈՒԹՅԱՆԸ

Այս գիշեր, Հայաստանի Բռնցքամարտի մեծահասակների հավաքականը գլխավոր մարզիչ Ռուդիկ Մկրտչյանի գլխավորությամբ մեկնել է Բրազիլիա մասնակցելու Աշխարհի գավաթի խաղարկության առաջին փուլին։ Նախքան մեկնելը, հավաքականի գլխավոր մարզիչ ՌՈՒԴԻԿ ՄԿՐՏՉՅԱՆԸ, Iravunk. com -ի մարզական լրագրողի հետ զրույցում նշեց.

«Մրցաշարին սկսել ենք պատրաստվել նախ Ծաղկաձորում, որտեղ հիմնականում ուշադրություն ենք դարձրել ընդհանուր և ֆիզիկական վիճակին, իսկ վերջին փուլում Օլիմպավանում, աշխատել ենք տեխնիկատակտիկակաան որակների վրա։ Աշխարհի գավաթը 3 փուլից է բաղկացած։ Բրազիլիայում հաջող հանդես գալուց հետո, կաշվե ձեռնոցի մարտիկները 1/8 եզրափակիչը կանցկացնեն Չինաստանում, իսկ եզրափակիչ փուլը կընդունի Տաշքենդը։ Գավաթին լավ ենք պատրաստվել, սակայն որքանով, բնականաբար ռինգը ցույց կտա։ Եվ կանայք և տղամարդիկ լավ հանդես գալու համար ջանք ու եռանդ չեն խնայել։ Մեր առաջնային նպատակը սեպտեմբերին կայանալիք Եվրոպայի առաջնությանը հաջող մասնակցելն է։ Հիմա նախ բռնցքամարտիկները պետք է հարմարվեն քաշային կարգերին, որոնք 13-ից դարձել են 10-ը։

Մի քանի մրցաշարերից հետո նոր կկարողանան հաստատվել նոր քաշային կարգերում։ Նաև դա էր պատճառը, որ այդքան էլ լավ չմասնակցեցինք Ստրանջայի մրցաշարում, բացի այդ, Հայաստանի առաջնությունից ընդամենը 1 շաբաթ էր անցել, հավաք ու մարզումներ չէինք հասցրել ունենալ»։ Նշենք, որ Աշխարհի գավաթի խաղարկությանը տղամարդկանց հավաքականից հանդես կգան.

ՌՈՒԴՈԼՖ ԳԱՐԲՈՅԱՆԸ 50 կգ, ԺԻՐԱՅՐ ՍԱՐԳՍՅԱՆԸ 55 կգ, ԱՐԹՈՒՐ ԲԱԶԵՅԱՆԸ 60 կգ,ԱՐԹՈՒՐ ՍԱՀԱԿՅԱՆԸ 65 կգ,

ԱՐԱՐԱՏ ՀԱՐՈՒԹՅՈՒՆՅԱՆԸ 70 կգ,

ՆԱՐԵԿ ՄԱՆԱՍՅԱՆԸ 90 կգ, ԴԱՎԻԹ ՉԱԼՈՅԱՆԸ +90 կգ։

Երկրորդ մարզիչն է ՌՈԲԵՐՏ ՊԵՏՐՈՍՅԱՆԸ։

Կանանց հավաքականից հանդես կգան.

ԱՆՈՒՇ ԳՐԻԳՈՐՅԱՆԸ 51 կգ և ԷԼԻԴԱ ՔՈՉԱՐՅԱՆԸ 65 կգ։

Գլխավոր մարզիչն է ՎԱԶԳԵՆ ԲԱԴԱԼՅԱՆԸ։

Հաջող ու անվնաս մենամարտեր մեր կաշվե ձեռնոցի մարտիկներին։

ՀՈՎՀԱՆՆԵՍ ՍԱՐԳՍՅԱՆ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի