«ՇԱՏ ԼԱՎ ԶԳԱՑՈՂՈՒԹՅՈՒՆՆԵՐ ՈՒՆԵՑԱ, ԵՐԲ ՀԱՂԹԵՑԻ ՀԱՏԿԱՊԵՍ ԹՈՒՐՔ ՄՐՑԱԿՑԻՍ». ՀՈՒՆԱՀՌՈՄԵԱԿԱՆ ՈՃԻ ԸՄԲՇԱՄԱՐՏԻ Մ23 ՏԱՐԵԿԱՆՆԵՐԻ ԵՎՐՈՊԱՅԻ ԵՎ ՄԵԾԱՀԱՍԱԿՆԵՐԻ ԵՎՐՈՊԱՅԻ ԲՐՈՆԶԵ ՄԵԴԱԼԱԿԻՐ ՄԱՆՎԵԼ ԽԱՉԱՏՐՅԱՆ

Iravunk. com -ի մարզական լրագրողը զրուցել է Սերբիայի Զրենյանին քաղաքում ավարտված հունահռոմեական ոճի ըմբշամարտի Մ23 տարեկանների Եվրոպայի առաջնությանը բրոնզե մեդալ նվաճած, մեծահասակների Եվրոպայի բրոնզե մեդալակիր, ծնունդով Շիրակի մարզի Ախուրյան գյուղից ՄԱՆՎԵԼ ԽԱՉԱՏՐՅԱՆԻ հետ։

Նա այսպես մեկնաբանեց իր նվաճումը.

- Հանդես եկա 55 կգ քաշային կարգում։ Որակավորման փուլում վաղաժամ 8։0 հաշվով առավելության հասա ազգությամբ ուկրաինացի մրցակցիս Իվան Ստեֆանսկիի հանդեպ ու նվաճեցի քառորդ եզրափակչի ուղեգիր։ Ափսոս, քառորդ եզրափակչում 0։4 հաշվով պարտվեցի Մ23 տարեկանների Եվրոպայի գործող չեմպիոն, Մ23 տարեկանների ԱԱ փոխչեմպիոն, ազգությամբ ռուս Ալիբեկ Ամիրովին։ Այնուհետև, սփոփիչ գոտեմարտ անցկացրի ու բացարձակ առավելությամբ 9։0 հաշվով հաղթեցի թուրք հակառակորդիս։ Այդպես նվաճեցի բրոնզե մեդալ։ Անձնական մարզիչս հայրս է Էդգար Խաչատրյանը։

- Մանվել, իսկ ինչը քեզ խանգարեց ոսկե մեդալ նվաճելու համար։

- Ոսկե մեդալ նվաճելու համար ինձ խանգարեց հիվանդանալս։

- Որ գոտեմարտը առավել բարդ տրվեց քեզ։

- Բոլոր գոտեմարտերն էլ դժվար անցան, ու չեմ կարող առանձնացնել։ Շատ լավ զգացողություններ ունեցա, երբ հաղթեցի հատկապես թուրք մրցակցիս, դա ինձ համար պատվի հարց էր։

- Հետագա ծրագրերը որոնք են։

- Առջևում ունենք այս շրջանի կարևոր մրցաշարը, մեծահասակների Եվրոպայի առաջնությունը, որը կկայանա ապրիլի 20֊26֊ը Ալբանիայի մայրաքաղաք Տիրանայում ։Մեծ հույսեր ունեմ, որ ամեն ինչ լավ կստացվի։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 12.92 միլիարդ դրամ՝ սպորտին․ 2027-ին ինչպե՞ս է ծախսվելու պետական փողը Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով