Բա ասում էին՝ ո՛չ նախկին, ո՛չ ներկա. ԶԱՐՄԱՆՔ

Մինչ գործարար ՍԱՄՎԵԼ ԿԱՐԱՊԵՏՅԱՆԻ առաջնորդած քաղաքական ուժը նրա եղբորորդի Նարեկ Կարապետյանի շուրթերով հայտարարում էր, որ «Մեր հասարակությունը պետք է որոշի՝ կա՛մ Փաշինյանն է, կա՛մ Կարապետյանն է։ Երկու մեծ այլընտրանք կա՝ Փաշինյան կամ Կարապետյան», պարզվում է՝ Կարապետյանների նախընտրական ցուցակում քաղաքացիության հետ խնդիրներ ունեցող Սամվել Կարապետյանը չկա էլ, այսինքն՝ նախընտրական քարոզարշավին՝ որպես առաջին համար, նույն է թե՝ վարչապետի թեկնածու հանդես է գալու փաստացի Նարեկ Կարապետյանը: Մի հարցում եւս այս քաղաքական ուժը՝ ի զարմանս մեզ, հասարակությանը գցել է մոլորության մեջ: Հրապարակելով նախընտրական ցուցակը տեսանք, որ «ո՛չ նախկին, ո՛չ ներկա» կոնցեպտով առաջնորդվող քաղաքական ուժի պատգամավորի թեկնածուների շարքում են Ռոբերտ Քոչարյանի ղեկավարած «Հայաստան» դաշինքի նախկին պատգամավոր Արամ Վարդեւանյանը, Լեհաստանում ՀՀ նախկին դեսպան, Վայոց ձորի նախկին մարզպետ Էդգար Ղազարյանը, Վանաձորի նախկին քաղաքապետ Մամիկոն Ասլանյանը եւ նախկին իշխանությունների հետ ասոցացվող բազմաթիվ այլ հին դեմքեր:

Պակաս զարմանալի չէ ՀՀ երկրորդ նախագահ ՌՈԲԵՐՏ ՔՈՉԱՐՅԱՆԻ առաջնորդած «Հայաստան» դաշինքի նախընտրական ցուցակը: Դաշինքի առաջին կին պատգամավորի թեկնածուն Աննա Գրիգորյանն է: Հիշեցնենք, որ Նիկոլ Փաշինյանի նախընտրական ցուցակով խորհրդարան անցած Գրիգորյանը, դարձավ թունդ քոչարյանական եւ համալրեց ընդդիմադիրների շարքերը: Ասեք, որ ուղղակի ապշեցնող է Քոչարյանի քաղաքական հետեւողականությունը:

ՀՀ նախկին ԱԳ նախարար ԶՈՀՐԱԲ ՄՆԱՑԱԿԱՆՅԱՆԸ տեւական ժամանակ ո՛չ գվում, ո՛չ բվում էր ու հանկարծ հիմա է հայտնվել արենայում՝ ծավալուն հոդվածով: Վերջինս, չգիտես ինչու, կարծես, ստանձնել է ԱՄՆ նախագահ Թրամփի TRIPP նախագծի գովաբանելու առաքելությունը, եւ այն ներկայացրել իբրեւ մեգանախագիծ, որը հսկայական հնարավորություններ է բացելու եւ ճիշտ օգտագործման դեպքում՝ կարող է նվազեցնել Հայաստանի երկարատեւ տնտեսական մեկուսացումը։ «Զոհրաբ Մնացականյանի մտքի փայլատակումները կարդալու փոխարեն՝ հիշեք, որ նա 44-օրյա պատերազմի 3 հիմնական մեղավորներից մեկն է։ Հիշեցնեմ, որ նա ի սկզբանե 2018-ի մայիսին հայտարարել էր, որ ոչ թե դիվանագետ է, այլ` Նիկոլի ոհմակի անդամ։ Ուրանալով Արցախն ու ցեղասպանությունը՝ ընդունել է դավաճանի «ժողովրդավարությունն է մեր բրենդը» պատուհաս դարձած քաղաքականությունը։ Նիկոլի հետ միասին Դուշանբեում Ալիեւին ծախել է 2016-ի ապրիլյանից հետո Վիեննայի եւ Սանկտ Պետերբուրգի մեր դիվանագիտական հաղթանակները։ Նրա նմանն է սվաղել Նիկոլի կողմից մեր բանակցային դիրքերի ոչնչացումն ու պատերազմի ուրվականը»,- գրել է ՀՀԿ փոխնախագահ Արմեն Աշոտյանը եւ հավելել, որ Մնացականյանն է հայ ժողովրդից  2019-ից սկսած թաքցրել Արցախի շուրջ նոր բանակցային փաթեթի գոյությունը։ Նա է ուրացել Արցախի ժողովրդի ինքնորոշման իրավունքը որպես կարգավորման սկզբունք։ Նա է 2020-ի փետրվարից լպստել Նիկոլի կողմից հարբած վիճակում միջազգային լրահոս նետված «Մյունխենյան սկզբունքներ» արտաթորանքը։ Նա մեր պարտության, մեր ցավի, մեր պատվազրկման եւ մեր կորուստների հիմնական ճարտարապետներից է։ Ըստ Աշոտյանի` պետք էր կատարյալ անբարո լինել, որ չտեսնել այդքանից հետո քո պատճառով երկրի վրա եկող արյունոտ ամպերը. «Զոհրաբ Մնացականյանը 44-օրյա պատերազմի արյունոտ խոհանոցի «շեֆ-խոհարարն» է։ Եվ սա երբեք չի մոռացվելու»:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ Բանտերում գտնվող ընդդիմադիր լիդերները դուրս կգան բանտից, իսկ ով արժանի է բանտում լինելու՝ կլինի բանտում. Կարապետյան Իշխանության հաբրգելու դեմն առնելու միակ ձևը ԵՄ կառույցների կողմից արձագանքն է, որը չկա. Լեվոն Քոչարյան