Յունիբանկը մեկնարկել է «Հրավիրի՛ր ընկերներիդ և ստացի՛ր բոնուս» ակցիան

Յունիբանկը հայտարարում է «Հրավիրի՛ր ընկերներիդ և ստացի՛ր բոնուս» ռեֆերալ ակցիայի մեկնարկի մասին, որը նախատեսված է աշխատավարձային նախագծի քարտապանների համար։

Ակցիայի համաձայն՝ մինչև 2026 թվականի դեկտեմբերի 31-ը Յունիբանկի աշխատավարձային քարտ ձևակերպած հաճախորդները ստանում են ռեֆերալ կոդ, որը կարող են փոխանցել ընկերներին, գործընկերներին և ծանոթներին՝ Յունիբանկում քարտ ձևակերպելու համար։ Յուրաքանչյուր նոր բացված քարտի համար հրավիրող հաճախորդը ստանում է պարգևավճար՝ 1 000 ՀՀ դրամ բոլոր տեսակի քարտերի և 10 000 ՀՀ դրամ՝ Visa Business քարտերի համար։

Ռեֆերալ կոդը հաճախորդին ուղարկվում է SMS հաղորդագրությամբ՝ քարտի համար դիմելուց հետո երկու աշխատանքային օրվա ընթացքում։ Կոդը կարող է տրամադրվել անսահմանափակ թվով անձանց։ Պարգևավճարը փոխանցվում է աշխատավարձային քարտին մինչև հաջորդող ամսվա հինգերորդ աշխատանքային օրը։

Աշխատավարձային նախագծերի շրջանակներում Յունիբանկն առաջարկում է անվճար բազմարժութային քարտ, աշխատավարձի մինչև 15-ապատիկի չափով վարկային գիծ, անվճար մոբայլ հավելված և շուրջօրյա աջակցություն քարտապաններին։ Բացի այդ, աշխատավարձային քարտ ունեցող հաճախորդներին տրամադրվում է երեք կուպոն՝ ընտանիքի անդամների համար անվճար քարտ բացելու նպատակով։ Բոլոր աշխատավարձային քարտերն անվճար առաքվում են հաճախորդի կողմից նշված հասցեով։

Մանրամասների համար՝
https://www.unibank.am/hy/service/cards/invite/

Այս թեմայով Յունիբանկն ու «Վանք» հիմնադրամն աջակցել են անվասայլակով բասկետբոլի ցուցադրական խաղի անցկացմանը Յունիբանկը և Unisport ակումբը մասնակցել են «Tricolor» Yerevan Beat Run վազքին Յունիբանկն ու Wildberries-ը գործարկել են ապառիկ գնումների ծառայություն Moody’s Ratings-ը վերահաստատել է Յունիբանկի B1 վարկանիշը՝ կայուն հեռանկարով Յունիբանկը չի բարձրացնի անշարժ գույքի գրավով վարկերի հաստատուն ճշգրտվող տոկոսադրույքները