Թրամփի համբերությունը սպառվում է Ուկրաինայի հետ և ցանկանում է արագ լուծում. Guardian

ԵՄ-ն վախենում է, որ ԱՄՆ-ն կստիպի Ուկրաինային ամենաուշը աշնանը հրաժարվել Դոնբասից, կարծում է Guardian-ը։

Ըստ աղբյուրի, ԱՄՆ-ի ճնշումը Կիևի վրա կարող է ուժեղանալ Կոնգրեսի միջանկյալ ընտրություններից առաջ։

«Ակնհայտ է, որ Թրամփի թիմի համբերությունը սպառվում է Ուկրաինայի հետ և ցանկանում է արագ լուծում», - հրատարակությանը ասել է եվրոպացի պաշտոնյան։
«Աճում է մտահոգությունը, որ Թրամփը, ձգտելով աշխարհաքաղաքական հաղթանակի միջանկյալ ընտրություններից առաջ, կարող է մեծացնել ճնշումը Կիևի վրա՝ հրաժարվելու Դոնբասի նկատմամբ իր պահանջներից», - ասել է մեկ այլ եվրոպացի պաշտոնյա։

Այլ աղբյուրներ մի փոքր այլ գնահատումներ են տալիս: Այն է` ԱՄՆ-ն շատ արագ կվերադառնա ուկրաինական բանակցություններին, եթե հաջողվի փակել Իրանի հարցը: Սա սպիտակ տունը համարում է չափազանց կարեւոր քայլ, իրանական ձախողումից հետո Ուկրաինայում աշխարհաքաղաքական հաղթանակ ցույց տալու եւ Փրամփի ներքին դիրքերը վերականգնելու համար: Դա պետք է անել հնարավորինս արագ, որպեսզի հասցնեն այդ «բագաժով» պատրաստ լինելո Կոնգրեսի աշնանային ընտրություններին: Նաեւ կարծում են, որ դա Թրամփին կօգնի Չինաստանի հետ սպասվող բանակցություններում:

«Ճիշտ կլիներ ասել, որ արդեն իսկ Վաշինգտոնի կողմից ուկրաինական ուղղությամբ որոշակի քայլեր արվում են: Այն, որ ներկա պահին ԱՄՆ-ում է ՌԴ նախագահի հատուկ ներկայացուցիչ Դմիտրիեւը, իր երթին է ակնարկում այդ մասին: Զգուշացում է հղվել նաեւ Զելենսկուն. նա պետք է կատարի բոլոր պահանջները, այլապես ԱՄՆ-ն սպառնում է վերջնականապես հայտարարել, որ բանակցային գործընթացի դուրս է գալիս, պատրաստ է հակառուսական պատժամիջոցները չեղարկել եւ Մոսկվայի հետ երկկողմ տնտեական նախաձեռնությունների մեկնարկը տալ: Զելենսկին, ճիշտ է, փորձում է նորից ամեն ինչ կապել անվտանգության երաշխիքների ակնհայտ արհեստական թեմայի հետ, սակայն նրան հստակ բացատրել են` ինչ երաշխիք, երբ այս պահին ԱՄՆ-ի եւ ՆԱՏՕ-ի եվրոպացի անդամների հարաբերությունենրը խորը ճգնաժամի մեջ են, դաշինքը կարող է անգամ փլուզվել: Նաեւ ֆինանսների բացակայությունն է Զելենսկուն դրել անելանելի վիճակում: Եվրոպայի 90 միլիարդը դառնում է անհույս, փորձեց արաբներից փող խնդրել, այստեղ էլ որեւէ հաջողություն չեղավ, ԱՄՀ-ի հետ ծրագրերը եւս տեղից չեն շարժվում եւ այլն: ուսներն էլ, թեեւ այս շաբաթներին, Իրանի հետ կապված, Ուկրաինայի ռազմաճակատներում «պաուզայի ռեժիմ» են միացրել, բայց եթե ԱՄՆ-Իրան բանակցությունները տեղից շարժվեն, Մոսկվան ողջ ճակատով մեկ կվերսկսի հարձակումները, որին բավականին ժամանակ պատրաստվում է: Նաեւ եղել է զգուշացում. եթե այս անգամ էլ Զելենսկին Դոնբասից դուրս չգա, Մոսկվան կփոխի բանակցային պայմանները` պահանջելով նաեւ Զապորոժեի, Խերսոնի այն տարածքները, որոնք ուկրաինական վերահսկողության տակ են: Ու ռեալ օգնության սպասելիքների անկումը կարող է այս անգամ Զելենսկուն ավելի զիջող դարձնել»,- կարծում է աղբյուրը:

Այս թեմայով Ուկրաինան հարձակվում է ԱՄՆ-ի հետ կապված տանկերների վրա, եւ դա չի կարող շարունակվել. Ռուբիո Թրամփը ցանկանում է կրկին հանդիպել Պուտինի հետ Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը