Ասա՝ ով է ընկերդ, ասեմ՝ ով ես դու

Իմաստուն ժողովուրդն ասում է. «Ասա՝ ով է ընկերդ, ասեմ՝ ով ես դու»։ «Իրավունք»-ն անդրադարձել էր, որ Երեւանի Հակոբ Կոջոյանի անվան պետական կրթահամալիրի տնօրեն Ռուզաննա Երեմյանը, որը թունդ նիկոլական է, թույն ու թարախ է թափել սոցցանցում 44-օրյա պատերազմում զոհված Վարդան Ամալյանի հոր՝ ՀՀ վաստակավոր արտիստ, ազատամարտիկ Դավիթ Ամալյանի հասցեին։ Իսկ ավելի վաղ սերունդներ «կրթող» տիկինը տարբեր գրառումներով աջակցել է Նիկոլ Փաշինյանի՝ դեպի Վեհարան գրոհի գաղափարին եւ շեշտել. «Պատրաստ ենք»:

Ինչո՞ւ կրկին հիշեցինք այս ամենը, որովհետեւ Ամենայն Հայոց կաթողիկոսի ու հերոսի հոր ուղղությամբ ամենակեղտոտ արտահայտություններն արած սույն տիկինը սոցցանցում հրապարակել է լուսանկարներ իրենից ոչ պակաս թունդ նիկոլական դաշնակահար Վահագն Հայրապետյանի եւ ՀՀ Մարդու իրավունքների պաշտպան ԱՆԱՀԻՏ ՄԱՆԱՍՅԱՆԻ հետ եւ նշել. «Շատ սիրված ընկերներիս հետ»:

Փաստորեն, ի՞նչ է ստացվում տիկին պաշտպանն ամեն առիթի դեպքում խոսում է հանդուրժողականության, ատելության խոսքի բացառման մասին, բայց չի՞ տեսնում, որ իրեն գրկախառնված ընկերուհին սոցցանցում ինչով է զբաղված: Եթե Մինասյանի հորդորներն անգամ հարազատ ընկերուհին բանի տեղ չի դնում, ուրեմն՝ էլ ումի՞ց ինչ սպասել: Թե՞ տիկին պաշտպանը մի հայտարարություն է անում, բայց ուրիշ հորդորներ ու քաջալերանքի խոսքեր է հղում նիկոլական ընկերուհիներին:

ՀՐԱՆՏ ՍԱՐԱՖՅԱՆ

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Մենք այս պետությանը պետք չենք․ Անահիտ Մարտիրոսյան Հասարակության մեջ մարդը դեռ չի ընկալվում որպես համակարգի բարձրագույն արժեք․ ՄԻՊ Բաղդասարյանների գերդաստանը Խաչվերածը նշեց հավերժի ճամփան բռնած ՆԻՆԱ ՄԱՅՐԻԿԻ հիշատակի առաջ խոնհարմամբ Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր