Հերիք եղավ՝ էլ  ոչ մեկ մեզ չի կարող ուլտիմատում ներկայացնել, մենք արդեն սաղից անկախ երկիր ենք․ Գագիկ Մելքոնյան

Հիմա արդեն մեր ժողովուրդը պետք է որոշի՝ կամ Ռուսաստանի հետ, կամ առանց Ռուսաստանի, Եվրոպայի հետ։ Մենք հիմա տեսանք, որ Հայաստանի ամենահզոր դաշնակիցը, որը նաև մեր անվտանգության երաշխավորն էր 1828 թվականից, ոնց որ Օվերչուկը գնաց հասավ Թուրքմենչայի պայմանագիր, ինչպես է սպառնում։ Օվերչուկը Թուրքմենչայի պայմանագիրը դիտավորյալ շեշտեց, բայց ինքը մի բան մոռացավ, որ Թուրքմենչայի պայմանագիրը, որ կար, Հայաստանի տարածքը ինչքան էր, երբ որ իրենք մտան Հայաստանի տարածք, մտան Կովկաս և եկան Հայաստանի տարածք, և հիմա ինչքան է թողել, ինչքան է Ռուսաստանը նվեր տվել Հայաստանի տարածքները օտար ազգերին։ Ժողովուրդը այդ հարցը պետք է որոշի հանրաքվեով, թե ուր է ուզում գնալ։ Ժողովուրդը պիտի որոշի, ոչ թե պաշտոնյաները,-անդրադառնալով ՌԴ–ի կողմից հնչող հստակ դիրքորոշումներին, որ եթե Հայաստանը Եմ անդամ դառնա, ՌԴ–ի հետ անգամ օդային հաղորդակցություն չի կարող ունենալ, հայկական ապրանքների արտահանումը Ռուսաստան տեղի չի ունենա, այնտեղի հայերի բիզնեսները խնդիրներ կունենան, գազի գինը կթանկանա և այլն, ասաց ԱԺ ՔՊ խմբակցության պատգամավոր Գագիկ Մելքոնյանը, ընդգծելով․

-Հիմա հունիսի 7–ին էլ է ժողովուրդը որոշելու, թե ներկայիս իշխանություններն են մնալու, թե՞ ուրիշ իշխանություններ են գալու։ Հիմա փաստացի Ռուսաստանը մտավ մեր ներքին հարցերի մեջ ու ցանկանում է, որ այն կուսակցությունները, որոնք ռուսամետ են, պետք է մասնակցեն այդ ընտրություններին ու ինչ ուզենան անեն։ Ուզենան՝ կաշառք տան, ուզենան՝ փող բաժանեն, պահանջում են, որ թույլատրելի լինի ամեն ինչը։

Կամ, որ ասում են եթե դուք չգնայիք Պրագա Արցախը չճանաչեիք Ադրբեջանի կազմում ամեն ինչը լավ էր։ Բայց մեր երկրի ղեկավարը իրեն ասաց՝  չէ՞ որ մինչև մեր ճանաչելը դուք արդեն երկու անգամ ճանաչել էիք, որ Ղարաբաղը Ադրբեջանի անբաժանելի մաս է։ Ինքը նաև դա մոռացել էր։

-Պարոն Մելքոնյան, լավ նույն հաջողությամբ, եթե օրինակ վաղը Ռուսաստանը Սյունքը ճանաչի Ադրբեջանի մաս, դա ենթադրում է, որ մենք էլ պետք է ճանաչե՞նք դա։

-Ոչ, հիմա արդեն մենք անկախ պետություն ենք,  բավականին անկախացել ենք և այդ հանդիպումից մենք տեսանք, որ մեր ղեկավարությունըանկախության ահագին խնդիրներ լուծել է։ Հերիք եղավ՝ էլ  ոչ մեկ մեզ չի կարող ուլտիմատում ներկայացնել, մենք արդեն սաղից անկախ երկիր ենք։

-Չե՞ք կարծում, որ Ռուսաստանի հետ այդ կերպ խոսելը կարող է հանգեցնել նաեւ գազի գնի կտրոջկ աճի, սրան մենք ինչպե՞ս ենք դիմակայելու։

-Պուտինի հայտարարեց, որ գազի գինը Հայաստանի համար 177 դոլար է, իսկ Եվրոպայում 600–ի է հասնում, բայց մի հատ ստոպ,  այդ գնով Ռուսաստանը գազը վաճառում է ոչ թե Հայաստանին, այլ ռուսական «Գազպրոմ Արմենիա» ընկերությանը, իսկ Հայաստանի ժողովուրդը գազը գնում է մոտավորապես 400 դոլարով։ Ռուսաստանը մեր վրա գազը ծախում է 400 դոլարով։ Եթե 400 դոլար է հիմա, մենք այլընտրանք ենք ունենալու, օրինակ Իրանից կարող ենք գազ գնել։ Գազի այն խողովակաշարը, որ Իրանից մտնում է Հայաստան, դա Հայաստանին բավարարող չափաքանակ է։ Իսկ Իրանից այդքան թանկ չի գազը։ Իրանական գազը ավելի էժան է լինելու, քան հիմա մենք Ռուսաստանից ենք առնում։

Այս թեմայով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Արա՛, ձենդ մի բարձրացրու. հերիք ա զոհվածների անունները շահարկեք. իրավիճակը լարվեց Եռաբլուրում (Տեսանյութ) Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք