Պատերազմի հիմքում ընկած պատճառները մնում են չլուծված. Կալասը կարևորել է միջնորդական ջանքերը

ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը ողջունել է ԱՄՆ-ի և Իրանի միջև ձեռք բերված հրադադարի համաձայնությունը՝ այն անվանելով «մեկ քայլ հետ» անդունդի եզրից, տեղեկացնում է «Արմենպրես»-ը։

«Այն ստեղծում է խիստ անհրաժեշտ հնարավորություն՝ մեղմելու սպառնալիքները, կանգնեցնելու հրթիռները, վերսկսելու նավագնացությունը և ստեղծելու տարածք դիվանագիտության համար՝ դեպի երկարատև համաձայնություն։ Հորմուզի նեղուցը պետք է կրկին բաց լինի անցման համար», – գրել է ԵՄ դիվանագիտության ղեկավարը X-ում։

Կալասը նաև հայտնել է, որ զրուցել է Պակիստանի արտգործնախարար Իսհակ Դարի հետ և շնորհակալություն հայտնել նրան նախնական համաձայնությունն ապահովելու համար։

«Միջնորդության դուռը պետք է բաց մնա, քանի որ պատերազմի հիմքում ընկած պատճառները մնում են չլուծված», – գրել է նա։Կալասը հավելել է, որ ԵՄ-ն պատրաստ է աջակցել միջնորդական ջանքերին և կապի մեջ է տարածաշրջանի գործընկերների հետ։ Նա նաև տեղեկացրել է, որ այս թեման այսօր կքննարկի Սաուդյան Արաբիայում։

Այս թեմայով ԵՄ-ն Հայաստանում կտեղակայի հիբրիդային սպառնալիքների դեմ պայքարին ուղղված առաքելություն․ Կայա Կալաս Թուրքիան ռազմավարական կարևորության գործընկեր է. Կալաս Սրանք դեռ ծաղիկներն են, Նիկոլ հայադավի թունավոր պտուղներն՝ առաջիկայում Հայաստանը ինքնուրույն կկայացնի Եվրոպական միությանը անդամակցության վերաբերյալ իր որոշումը. Կայա Կալաս Կալասը հայտարարել է Իրանի դեմ նոր պատժամիջոցներ առաջարկելու մտադրության մասին