Crocus City Hall-ի ահաբեկիչները պլանավորել են երկրորդ հարձակում, ապա մտափոխվել

Crocus City Hall համերգասրահում ահաբեկչական հարձակման կազմակերպիչները պլանավորել էին երկրորդ ահաբեկչական հարձակումը կատարել Մոսկվայում, սակայն հետագայում հրաժարվել են այդ ծրագրից, ՏԱՍՍ-ին հայտնել է դատավարության մասնակիցը։ Ըստ աղբյուրի՝ արտասահմանում բնակվող զինյալները նախապատրաստվել են Մոսկվայում երկրորդ հարձակումը իրականացնել Crocus City Hall-ի վրա հարձակմանը զուգահեռ։

Դրան պետք է մասնակցեին երկու մարդ, իսկ երեքը՝ Crocus City Hall-ում։ Երկրորդ ահաբեկչական հարձակման վայրը, ինչպես նաև դրա իրականացման եղանակը չեն նշվել, բայց նախատեսվում էր բազմաթիվ մարդկանց սպանել, ասված է գործի նյութերում։ Crocus City Hall-ում ահաբեկչությունը տեղի էր ունեցել 2024 թվականի մարտի 22-ին։ ՌԴ քննչական կոմիտեի տվյալներով՝ զոհվել էր 146 մարդ։

Մարտի 24-ին ՀՀ ԱԳՆ-ն հայտնել էր, որ ահաբեկչության հետևանքով Հայաստանի քաղաքացի է զոհվել՝ Լիլիթ Իսրայելյանը։ Զոհերի թվում էր նաև հայազգի Կարեն Ենգիբարյանը, որը մարդկանց էր փրկել այրվող շենքից և թունավորվել շմոլ գազից։

Այս թեմայով Իշխանության գալով բացառվում է սեւն ու սպիտակը, հաշվեհարդարները, ու այդ ժամանակ աշխարհը կտեսնի ՀԱՅԻ Գենն ու միավորված ու Ուժը.ԴՕԿ կուսակցության շտաբի պետի հետ բացառիկ զրույց Ով է իրականում Ալիեւի դեմ իբրեւ մահափորձ կատարած Կարենը․ 25 տարվա նրա հարեւանը բացառիկ մանրամասներ է ներկայացնում Կենդանակերպի նշաններ, որոնք բախտավոր կլինեն սեպտեմբերին ՌԴ-ն պատրաստվում է ահաբեկիչներ ճանաչել ուկրաինական բանակը եւ ուժեյին կառույցները Թրամփը Բելառուսում ցուցարարներին «ահաբեկիչներ» է անվանել