«Տխրահռչակ» դատավորի ձեռքն, ուղղակի, չպիտի տային «չարաճճի» դպրոցականին. Մհեր Կարագոզյան

Սուրբ Աննա եկեղեցում մարտի 29-ին Նիկոլ Փաշինյանի մասնակցությամբ տեղի ունեցած միջադեպի հետեւանքով՝ խուլիգանության ու պաշտոնատար անձի օրինական ծառայողական եւ քաղաքական գործունեությանը միջամտելու կասկածանքով ձերբակալվեցին 18-ամյա դպրոցական երկվորյակ եղբայրներ Դավիթ եւ Միքայել Մինասյանները: Եղբայրներից մեկի` Միքայելի նկատմամբ խափանման միջոց ընտրվեց բացակայելու արգելքը եւ 5 մլն դրամ գրավը։ Իսկ Դավիթն ապրիլի 1-ին դատավոր Մնացական Մարտիրոսյանի որոշմամբ՝ 2 ամսով կալանավորվեց։ Դավիթն այդպես էլ չհասավ քրեակատարողական հիմնարկ, առողջական խնդիրներով պայմանավորված՝ նա դեռ հիվանդանոցում է: Այս մասին «Իրավունք»-ը զրուցել է «Հանրային վերահսկողություն» հասարակական կազմակերպության նախագահ, իրավապաշտպան ՄՀԵՐ ԿԱՐԱԳՈԶՅԱՆԻ հետ:

— Նախ բռնությունը որեւէ կերպ մենք չենք արդարացնում: Որեւէ պատճառաբանություն, որեւէ հիմնավորում, որեւէ տրամաբանություն չի կարող ներկայացվել բռնության դեպքում: Երկրորդ՝ չմոռանանք, որ վարչապետն, այնուամենայնիվ, որքան էլ ես անձամբ եւ շատ շատերս համաձայն չենք նրա կարծիքի հետ, ներկայացնում է Հայաստանի Հանրապետությունը։ Եվ երրորդ՝ որքան պաշտպանված է վարչապետի անձը, նույնքան պաշտպանված է Հայաստանի Հանրապետությունը։

Բայց եթե պատանին կամ երիտասարդը, դպրոցականը արել էր ուղղակի մանկական «չարաճճիություն», պահի ազդեցության տակ անհավասարակշիռ վարքագիծ էր դրսեւորել, սա չի նշանակում, որ պետությունը, համակարգը պետք է գործեր պատժիչ տրամաբանությամբ՝ այն էլ այն դատարանում, այն դատավորով, որը հենց վարչապետի կողմից հռչակված էր «տխրահռչակ»: Այո՛, վարչապետն այսպիսի արտահայտություն է արել այդ դատավորի մասին: Ուրեմն՝ այդ «տխրահռչակ» դատավորի ձեռքն, ուղղակի, չպիտի տային «չարաճճի» դպրոցականին։

Կարծում եմ՝ ավելի ճիշտ եւ տեղին կլիներ, որ վարչապետն ուղղակի հայրաբար զրուցեր պատանու կամ երիտասարդի հետ, նրանից անձամբ պարզեր` արդյոք կա այդտեղ կազմակերպվածություն կամ լրջագույն հանցակազմ։ Սա վարչապետին շատ վայել քայլ կլիներ: Կարող էր նա այդ քայլն անել, բայց չի արել: Չէր կարելի այսպես խորտակել երիտասարդի կյանքն ինչ-որ «չարաճճիության» համար։ Ամեն դեպքում, մենք ունենք տեղեկություններ, որ 4 տարեկանից այդ պատանին հատուկ խնամքի անհրաժեշտություն է ունեցել եւ կարող էր մարդաշատ վայրում անհավասարակշիռ վարքագիծ դրսեւորել, ինչը կրկնում եմ՝ մեր կողմից եւս անընդունելի է: Բայց «չարաճճիության» դեպքում գործի դնել պատժիչ մեքենան խստորեն եւ այսքան լայնամասշտաբ հանրային կետպով դնել-վերցնել հարցը, քննարկել մի երեխայի անհավասարակշիռ վարքագիծը, կարծում եմ` տեղին չէ: Իմ հորդորն է, խնդրանքն է նաեւ, որ նման դեպքերում երիտասարդին խրատել է պետք, ցույց տալ կյանքի ճշմարիտ եւ արդար ճանապարհը, ոչ թե խեղել նրա ճակատագիրը:

Այս թեմայով Քաղաքացուց հափշտակված գումարը պետության եկամուտը չէ. Իրավապաշտպան ՏՈՒԺՈՂԻՆ ՄԵՂԱԴՐԵԼՈՒ ՓՈԽԱՐԵՆ՝ ՔՆՆԵ՛Ք ՀԱՆՑԱԳՈՐԾՈՒԹՅՈՒՆԸ. Իրավապաշտպան Այո՛, իմ իրավապաշտպան գործունեության ընթացքում նման դեպքերի ականատես եղել եմ, ինչպես առաջին,այնպես էլ երկրորդ ,երրորդ նախագահների օրոք. ԲԱՑԱՌԻԿ Մենք Սոսի հետ վաղուց խոսացել ենք ու որևէ խնդիր իրար հետ չունենք. Մհեր Մկրտչյան Կոչ եմ անում՝ չտրվել հերյուրանքներին․ Մհեր Արմենիան փակագծեր է բացում