«БОЙ БЕЗ ПРАВИЛ»՝ վարորդների եւ քաղաքացիների միջեւ

Երեւանի քաղաքապետ Տիգրան Ավինյանը երկուշաբթի օրը՝ գործավարական նիստում, «Երեւանի ավտոբուս» ՓԲԸ տնօրեն Բեգլար Կիրակոսյանից պահանջեց, որ վերջինս վերահսկի եւ հրահանգի, որպեզի վարորդներն անմիջական մասնակցություն ունենան գումարի հավաքագրման պրոցեսներին:

Ավինյանն ասեց, Կիրակոսյանն՝ արեց: Արդեն երկուշաբթի, անմիջապես գործավարական նիստից հետո, սկսվել է «бой без правил»-ը՝ վարորդների եւ քաղաքացիների միջեւ:

Ըստ «Իրավունք»-ի հավաստի աղբյուրի, ավտոբուսներից մեկում վարորդն ու ուղեվորուհին թեժ վեճ են ունեցել ուղեվարձի վերաբերյալ, որից հետո վարորդը սպառնացել է, որ չի վարի ավտոբուսն այնքան ժամանակ՝ մինչ տվյալ ուղեւորուհին չլքի ավտոբուսը: Ի դեպ, համացանցում արդեն իսկ լայն տարածում է գտել նմանատիպ եւս մեկ վեճ՝ վարորդի եւ ուղեւորի միջեւ: Ստացվում է՝ Ավինյանը հասավ իր նպատակին եւ արդեն իսկ պառակտված հասարակությանը եւս մեկ անգամ պառակտեց:

Նախ սկսենք այն կետից, որ վարորդի միակ եւ անմիջական պարտականությունը քաղաքացուն անվնաս տեղ հասցնելն է: Քաղաքացու իրավունքը՝ բոյկոտելու, դա օրենքով սահմանված կարգ է, որին վարորդը միջամտել չի կարող: Վարորդն իրավունք չունի ավտոբուսը չվարելու, քաղաքացու հետ բանավեճի մեջ մտնելու եւ վերջինիս ավտոբուսից դուրս հանելու: Հստակեցնենք, որ քաղաքացուն իրավունք ունի տուգանելու միայն պատկան մարմինն ու ոչ մի դեպքում վարորդը:

Իսկ քաղաքապետ Ավինյանին պետք է կողքից հասկացնել, որ մարդկանց իրար դեմ հանելով՝ հեչ լավ բանի չի հասնի, հատկապես, որ առջեւում ընտրություններ են: Առավել եւս հեչ լավ ու ճիշտ չի դիտվում վարորդներին շանտաժի լեզվով վախեցնելը, թե բա՝ գումարներիցդ կպահենք, եթե չլուծեք ուղեվարձի հարցը:

ՆԱՆԱ ՍԱՐԳՍՅԱՆ

Այս թեմայով Երևանում վաղվանից հին տրոլեյբուսներ չեն լինի. քաղաքապետարան Թիվ 8 երթուղու վարորդին դանակահարած ուղևորը եղել է ոչ սթափ վիճակում Հերի՛ք եղավ, բո՛լ եղավ. երբ չեն վճարում, տրանսպորտը կանգնեցրեք, պահանջեք՝ կա՛մ իջնի, կա՛մ վճարի Երևանում բացահայտվել է տրանսպորտի՝ երթուղուց շեղվելու 125 դեպք Դեկտեմբերի 14-ին մի քանի փողոցներում տրանսպորտը կաշխատի մինչև դեկտեմբերի 15-ը՝ ժամը 01:00-ն