Քոչարյան Անդրանիկը գցեց Հայկ Սարգսյանին եւ ոչ միայն

ԱԺ «Քաղաքացիական պայմանագիր» խմբակցության պատգամավոր Հայկ Սարգսյանի՝ «Զինվորական ծառայության եւ զինծառայողի կարգավիճակի մասին» օրենքում փոփոխություններ կատարելու մասին օրինագիծը երեկ հանձնաժողովում տապալվեց: Իշխանական անդամները դեմ քվեարկեցին իրենց կուսակցի նախագծին: Հայկ Սարգսյանի այս նախագիծը, որով առաջարկվում է փողի դիմաց կարճ ծառայել կամ չծառայել, կառավարության նիստում անցած տարի հավանության էր արժանացել: Անցած տարի հանձնաժողովի նիստում իր թիմակիցներից միայն Պաշտպանության հանձնաժողովի նախագահ Անդրանիկ Քոչարյանն էր ձեռնպահ քվեարկել, այս անգամ բոլորը դեմ քվեարկեցին: Անդրադառնալով վերոնշյալին՝ ՀԱՅԿ ՍԱՐԳՍՅԱՆՆ իր վրդովմունքն արտահայտեց Քոչարյան Անդրանիկի նկատմամբ:

— Ես տարիներով արձանագրել եմ բանակի խնդիրը եւ նպատակ եմ ունեցել, որպեսզի մենք խնդիրները վերացնելով՝ ստեղծենք մի միջավայր, որտեղ հարուստի երեխաները չեն ազատվի բանակից, իսկ անապահով խավի երեխաները ծառայեն: Ի սկզբանե վարչապետն ու կառավարությունն այդ նախագծին կողմ են եղել: Նախագիծը, երբ դրական եզրակացությունով եկել է ԱԺ, այդ ժամանակ Քոչարյան Անդրանիկն ինձ խոստացավ, որ գնա ԱՄՆ, գա, կանցկացնի նախագիծը, քանի որ իր խոսքերով՝ դա շատ լավ նախագիծ է եւ անգամ քննարկում է ունեցել նախարարի հետ: Ես էլ այդ ժամանակ ասացի՝ պարոն Քոչարյան ջան, մինչեւ դու գնաս ԱՄՆ ու գաս, նախագիծը 6 ամսով կհետաձգվի, քանի որ մենք մինչ նստաշրջանի ավարտը ժամանակ չունենք: Մեզ պետք է նիստն այսօր անել, որ մինչ ամառային զորակոչ այս խնդիրները լուծենք: Ամեն օր 8 հոգի ՀՀ քաղաքացիությունից հրաժարվում է, եւս այդքան անձ էլ առողջականով են ազատվում: Պետք է հրատապ լուծել այս հարցը, որ մենք զորք չկորցնենք: Ինձ պատասխանեց Քոչարյանը, որ առանց իրեն՝ նիստ չանենք, կգա, ու եթե պետք լինի 24- ժամյա ռեժիմով կանենք նիստ եւ նախագիծը կանցկացնենք, քանի որ բոլորը կողմ են: Երբ ԱՄՆ-ից վերադառնում է, զարմացած ասում է, թե՝ սա ի՞նչ նախագիծ է, առաջին անգամ եմ նման նախագիծ տեսնում, թե բա՝ ո՞նց կարող է մարդ փող տալ եւ կարճ ծառայել: Ասում եմ դեռեւս 2024 թվականին վարչապետի եւ կառավարության ներկայությամբ նախագիծը ներկայացրել եմ, դու էլ դեմ կարծիք չես արտահայտել:
Մի խոսքով, նախագիծը տապալվեց, որի արդյունքում, քաղաքացիությունից հրաժարվողների թիվը 44 տոկոսով աճեց, բանակի արատավոր խնդիրները մնացին: Ստացվում է մենք անձնական ամբիցիայի պատճառով կորցրինք կարեւորագույն նախագիծ:

ՆԱՆԱ ՍԱՐԳՍՅԱՆ

Այս թեմայով ՔՊ-ի կեղտոտ սպիտակեղենը փռել են արեւին «Ժողովուրդ». Քննարկվում է Ավետ Կոնջոյանին և Հայկ Սարգսյանին ՔՊ-ից հեռացնելու հարցը Նոյեմբերի 9-ը Հայաստանի փրկօղակն էր․ Հայկ Այվազյան «Հրապարակ»․ Հայկ Սարգսյանին ներում-բեկում չի լինելու Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից